Արևմտյան ափի բռնակցման նախագիծը․ Պատճառներ,իրավական ոլորտներ և հետևանքներ

Սիոնիստական ռեժիմը նոր դավադրությամբ և շարունակելով իր օկուպացիոն քայլերը մտադիր է Արևմտյան ափի 30% -ը բռնակցել գրավյալ տարածքներին:Այս հաղորդման ընթացքում կանդրադառնանք այս նախագծի պատճառներին, իրավական ոլորտներին և հետևանքներին:

Արևմտյան ափի 30 տոկոսի տարածքը և բնակչությունը

Պաղեստինյան  խմբերի և ժողովրդի  խիստ դիմադրության  և նախազգուշացումների , սիոնիստական ​​կաբինետում  առկա տարաձայնությունների և Արևմտյան ափի 30 տոկոսը բռնագրավյալ տարածքներին բռնակցելու  նախագծի իրականացման ժամկետի շուրջ   ԱՄՆ-ի նախագահ Դոնալդ Թրամփի հետ ունեցած անհամաձայնության պատճառով,Սիոնիստական ռեժիմի  վարչապետ Բենիամին Նեթանյահուն, հուլիսի մեկին   չիրագործեց նախագիծը և  հետաձգեց այն։

Հարցը հետևյալն է,որ արևմտյան ափի 30 տոկոսը ,այդ տարածքի բնակչության և տարածքի քան՞ի տոկոսն է կազմում:  Արևմտյան ափի  30  տոկոսի տարածքը 1,613 քառակուսի կիլոմետր է,որը ներառում է սիոնիստներով բնակեցված 130 քաղաքատիպ ավաններ և 460 հազար ավանաբնակներ :Ավելի քան 350,000 սիոնիստ բնակչություն ունեցող 52 ավան գտնվում է Արևմտյան ափի բաժանարար պատի միջին մասում իսկ 78 ավան `100,000 բնակչությամբ  պատի դրսի կողմում:: 

Ինչու է Սիոնիստական ​​ռեժիմը պնդում Արևմտյան ափը բռնակցել օկուպացված տարածքներին

Կան մի քանի կարևոր պատճառներ, թե ինչո՞ւ են սիոնիստները պնդում   Արևմտյան ափի 30 տոկոսը բռնակցել   բռնագրավված տարածքներին :

Առաջին պատճառը կապված է Սիոնիստական ​​ռեժիմի «ինքնության և էության» հետ:Սիոնիստական ​​ռեժիմը օկուպանտ  ռեժիմ է իր ինքնության և էության առումով, քանի որ այն հիմնված է Պաղեստինի տարածքի  բռնագրավման վրա  իսկ գրավելու ցանկությունն անսահմանափակ է:Ըստ այդմ, անկախ նրանից, թե ո՞վ է Սիոնիստական ​​ռեժիմի կաբինետի ղեկավարը, ռեժիմը շարունակում է   բռնագրավել  պաղեստինյան առավել տարածքներ:

Երկրորդ պատճառը առնչվում է բռնագրավված տարածքներում  ընթացող ներքին առճակատումներին և վարչապետ Բենիամին Նեթանյահուի դիրքի վտանգի ենթարկվելուն:Սիոնիստական ​​ռեժիմը 2018-ի վերջերին, ականատեսն է եղել Բենիամին Նեթանյահուի կաբինետի փլուզմանը  և դրան հաջորդած քաղաքական փակուղու:Քաղաքական փակուղին չավարտվեց նույնիսկ խորհրդարանական երեք ընտրություններից հետո և միայն Կորոնայի համաճարակը և  անիմաստ ընտրությունների անցկացման հետևանքները պատճառ հանդիսացան, որ համաձայնեցված կաբինետի կազմավորման համար պարտադիր համաձայնություն կայանա  «Լիքուդ» կուսակցության առաջնորդ Նեթանյահուի ՝և «Կապույտ - սպիտակ» կուսակցության առաջնորդ Բենի Գանթզի միջև:

Թեև Նեթանյահուն և Գանթզը համաձայնվել են ,որ վարչապետի պաշտոնը բաժանվի երկու 18 ամսյա փոխանցվող շրջանի, սակայն իսրայելական զանգվածային լրատվամիջոցների որոշ զեկույցների համաձայն ՝Նեթանյահուն հետապնդում է Գանթզի  հեռացումը `լուծարելով կաբինետը և  նոր ընտրություններ անցկացնելով:Նեթանյահուն համոզված  է, որ մի կողմից ՝ Կապույտ և Սպիտակ Կուսակցությունը պառակտեվլով «Լիքուդ» -ի հետ Գանթզի համաձայնության պատճառով , իսկ մյուս կողմից ՝ Արևմտյան ափի որոշ տարածքները համակցելով օկուպացված  տարածքներին, կկարողանա խորհրդարանական  նոր ընտրություններում մեծամասնություն շահել և կաբինետը կազմել առանց Գանթզի մասնակցության:

Երրորդ պատճառը ԱՄՆ-ում Դոնալդ Թրամփի քառամյա նախագահության մոտալուտ ավարտն է :Անցյալ չորս տարիների ընթացքում Թրամփը կարևոր քայլեր է ձեռնարկել սիոնիստական ​​ռեժիմի ցանկությունների ու շահերի գծով ,այդ էլ դարի գործարքի ռասիստական ​​ծրագրի տեսքով,այս ծրագրերից են՝Երուսաղեմը Սիոնիստական ​​ռեժիմի նոր մայրաքաղաք ճանաչելը, ԱՄՆ-ի դեսպանատունը Թել Ավիվից Երուսաղեմ տեղափոխելը և  Գոլանի բարձունքների նկատմամբ սիոնիստական ռեժիմի ինքնիշխանությունը  ճանաչելը:Նեթանյահուն մտահոգ է, որ Դոնալդ Թրամփը  2020թվականի Նոյեմբերի ընտրություններում պարտվի իր դեմոկրատական մրցակից Ջո Բայդենի դիմաց : Հենց այս հիմամբ ,Նեթանյահուն փորձում է, որ ընտրություններից առաջ իրականացնի Արևմտյան ափի 30 տոկոսի բռնակցումը օկուպացված տարածքներին:

Բռնակցում և միջազգային իրավունքներ

Բռնակցում  նշանակում է, որ մի պետություն, բռնի կերպով գրավի մեկ այլ պետության տարածքի ամբողջ կամ մի մասը, այն համարելով իր տարածքը:1907-ի Հաագայի չորրորդ կոնվենցիայի ցամաքային պատերազմի կանոնները և կանոնակարգերը, ինչպես նաև 1949-ի Ժնևյան չորրորդ կոնվենցիան և 1977-ի Լրացուցիչ պրոտոկոլը պարունակում են օկուպացիայի հետ կապված մի շարք օրենքներ:Միջազգային օրենսդրության համաձայն, բռնակցման  լեգիտիմությունը կարող է արծարծվել  միայն այն դեպքում, եթե դա արվում է խաղաղ պայմանագրով և, իհարկե, հանրաքվեից հետո, «ինքնորոշման իրավունքի» շրջանակներում:

Այս կանոնների համաձայն ՝ պիտի ընդգծել ,որ Սիոնիստական ​​ռեժիմի փորձը ՝ Արևմտյան ափի 30 տոկոսը օկուպացված տարածքներին բռնակցելու համար , չունի որևէ իրավական հիմք և լիովին ապօրինի գործողություն է:

Բացի այդ, բռնակցման նախագիծը ռասիստական ​​նախագիծ  է, որն անտեսելով օկուպացված քաղաքատիպ ավաններում բնակվող պաղեստինցիներին ,նրանց բնակարանները և ագարակները հանձնում է հրեաներին: Փաստորեն, բռնակցման  նախագիծը շարունակությունն է ՝սիոնիստական ռեժիմի  ռասիզմի , իսկ միջազգային իրավունքի տարբեր փաստաթղթերի և կանոնակարգերի համաձայն ՝ ռասիզմն ապօրինի է:Միևնույն ժամանակ,բռնակցման  նախագծի իրականացման համար  Սիոնիստական ​​ռեժիմի քայլը ակնհայտորեն հակասում է միջազգային օրենսդրությանը և կանոնակարգերին, ներառյալ ՄԱԿ-ի բանաձևերին:Այս կապակցությամբ, Մերձավոր  Արևելքում և Հյուսիսային Աֆրիկայում Միջազգային ներում կազմակերպության տարածաշրջանային հիմնարկի տեղակալ  Սալեհ Հեջազին ընդգծել է,որ  Սիոնիստական ​​ռեժիմի հետևողականությունը  Արևմտյան ափի որոշ տարածքների բռնակցման նախագծի իրականացման համար  նշանակում է ,որ այս ռեժիմը անտեսում է միջազգային օրենքները:

Քաղաքական առումով ևս , բռնակցման համար սիոնիստական ​​ռեժիմի քայլերը ,հակասում են միջազգային նորմերին , քանի որ առնվազն Օսլոյի  1993-ի համաձայնագրի հիմամբ, Պաղեստինի ինքնավար իշխանության կազմավորմամբ ,այդ երկրի երկու բաժիններ՝ Գազայի հատվածը և    և Արևմտյան ափը (Պաղեստինի տարածքի մոտ 20 տոկոսը)որոշ պայմաններով հանձնվել են  այս իշխանությանը: Այժմ սիոնիստական ռեժիմը ագահաբար է մոտենում  Արևմտյան ափին և փորձում է անտեսել 1993-ի Օսլոյի համաձայնագրերը:Այդ պատճառով Պաղեստինի ինքնավար վարչակազմը հայտարարել է,որ Արևմտյան ափի որոշ տարածքների բռնակցման նախագծի իրականացմամբ ,կչեղարկվեն սիոնիստական ռեժիմի և ԱՄՆ-ի հետ խաղաղության բոլոր համաձայնագրերը:

Վերջին կետը հետևյալն է,որ Նեթանյահուն չի չեղարկել բռնակցման նախագիծը ,այլ այն հետաձգել է: Ուրեմն սիոնիստական ռեժիմը փորձում է նախագիծը իրականացնել հարմար ժամանակ: Ինչպես պաղեստինյան զանազան խմբերն են զգուշացրել ,այս նախագծի իրականացումը ,խիստ անկայուն դարձնելով խառնաշփոթի է վերածելու Պաղեստինի և սիոնիստական ռեժիմի հարաբերությունը և կարող է նոր պատերազմի ,կամ Ինթիֆադայի ծագման առիթ հանդիսանալ:

Այս կապակցությամբ, Մերձավոր  Արևելքում և Հյուսիսային Աֆրիկայում Միջազգային ներում կազմակերպության տարածաշրջանային գրասենյակի փոխտնօրեն Սալեհ Հեջազին ասել է.«Բռնակցման նախագծի պես քաղաքականությունները որպես օկուպանտ չեն փոխում միջազգային օրենքների վերահսկողության տակ գտնվող տարածքների և բնակիչների օրինավոր կարգավիճակը՝ և չի ոչնչացնում որպես օկուպանտ սիոնիստական ռեժիմի պատասխանատվությունը ,այլ ապացուցում է ջունգլիների օրենքի մասին ,որն այսօրվա աշխարհում  տեղ չպիտի ունենա »: