Գրքի հմայքը(43)
Մայիս 12, 2022 10:03 Asia/Tehran
Փուրանդոխթ Սոլթանին՝ իրանական ժամանակակից գրադարանավարության մայրը, իրանցի գրադարանավարների առաջին սերնդից էր, Ազգային գրադարանային կենտրոնի հիմնադիրը և Թեհրանի համալսարանի պրոֆեսորադասախոսական կազմի անդամ, ինչպես նաև գրադարանային բաժնի պրոֆեսորադասախոսական կազմի անդամ։
Սոլթանին արդյունավետ կյանքով է ապրել 1931-ից 2015 թվականներին: Նա սիրում էր գրադարանավարությունը և տարիներ շարունակ փորձում էր զարգացնել այս գիտությունը Իրանում։
Ի հիշատակ այս աշխատասեր տիկնոջ, այսօրվա հաղորդումը նվիրել ենք գրադարանավարության թեմային:
Դեկտեմբերի 15-ը (Ազարի 24) իրանական օրացույցում ամեն տարի նշվում է որպես գրքի, ընթերցման և գրադարանավարի օր՝ հասարակության մշակութային զարգացման մեջ ընթերցանության բարձր արժեքի պատճառով։
Գրադարանային և տեղեկատվական գիտությունը «տեղեկատվական գիտություն և իմացաբանություն» հին անվանումն է, որն ուսումնասիրում է գիտելիքի արտադրության, տեղեկատվական ռեսուրսների հավաքագրման, այդ տեղեկատվական ռեսուրսների կազմակերպման, որոնման և տարածման տարբեր մեթոդներ: Այն տվյալների, տեղեկատվության, կառավարման, տեխնոլոգիաների, հաղորդակցության, փաստաթղթերի, գրադարանավարության և փիլիսոփայության խառնուրդ է:
Գրադարանավարությունը մարդկանց պատրաստում է գրադարանների և տեղեկատվական կենտրոնների համար, իսկ շրջանավարտների աշխատանքը գիտելիքն ու հմտություններն են, որ ներառում են գրառել, հավաքել, կազմակերպել և տարածել տեղեկատվություն տպագիր և էլեկտրոնային եղանակով: Փաստորեն, գրադարանները, արխիվները, տեղեկատվական կենտրոնները այս ոլորտի շրջանավարտների գործունեության վայրն են։
Գրադարանավարությունը պահանջում է հատուկ հմտություններ: Շոշափելի հմտություններ, որոնք կարելի է սովորել և կիրառել, և ոչ նյութական հմտություններ, որոնցից շատերը բնորոշ են և կարող են բացահայտվել անհատի հետ ուշադիր խոսելով: Շոշափելի գործոնները ներառում են ոչ խոսքային հմտությունները և բանավոր հմտությունները:
Բանավոր հմտություններից են՝ հիշելը, վաղաժամ որոշումերից խուսափելը, զգացմունքները բանավոր արտացոլելը, բովանդակությունը վերափոխելը, մեկնաբանելը և առաջարկելը (կարծիքներ տալը և առաջարկներ ներկայացնելը) և բաց հարցեր:
Ոչ խոսքային հմտությունները ներառում են՝ աչքի շփում, ժեստեր, հանգիստ կեցվածք, դեմքի արտահայտություն և ձայնի տոն:
Հնդիկ գրադարանավար և մաթեմատիկոս Շիալի Ռամամրիտա Ռանգանաթանն առավել հայտնի է իր հինգ համընդհանուր ընդունված գրադարանավարության օրենքներով և Colon Classification դասակարգման համակարգով: Նրա ծննդյան օրը Հնդկաստանում հայտարարվել է Ազգային գրադարանի օր և նրան անվանել են «Տեղեկատվական գիտության և փաստաթղթերի հայր»:
Ռանգանաթանը ծնվել է 1892 թվականին Հնդկաստանի հարավում։ Նա ուներ մաթեմատիկայի համալսարանական կրթություն և համալսարանում դասավանդում էր մաթեմատիկա և նա շատ էր սիրում այդ աշխատանքը, բայց խնդիրը նրա կակազությունն էր, որը հետագայում անհետացավ։ Հետագայում Ռանգանաթանը գնաց Լոնդոնի համալսարան, որն այդ ժամանակ Բրիտանիայի միակ համալսարանն էր, որն ուներ գրադարանավարության ճյուղը: Թեև նրա գնահատականները միջինից մի փոքր բարձր էին, սակայն մաթեմատիկական մտածողությունը նրան տարավ դեպի գրքերի կատեգորիա։ Նա հորինել է Colon Classification մեթոդը, որը հետագայում կիրառվել է աշխարհի բազմաթիվ գրադարաններում, հատկապես Հնդկաստանում։ Այս մեթոդով գրքի նույնականացման համարը գրվում է աղյուսակի միջոցով՝ տառերով, թվերով և կետադրական նշաններով, այնպես, որ ցույց է տալիս գրքի տարբեր բնութագրերը և ավելի շատ տեղեկատվություն է պարունակում, քան Դյուի տասնորդական դասակարգումը:
Այս տարիներին Մահաթմա Գանդին ակտիվ գործունեություն էր ծավալել Հնդկաստանի քաղաքական դաշտում։ Թեև Ռանգանաթանը քաղաքական ակտիվիստ չէր, Գանդիի ազդեցության տակ, փորձում էր փոխել գրադարանային համակարգը, որպեսզի հասարակ մարդիկ կարողանան օգտվել դրանից, և իր գրություններում նա անդրադարձավ այնպիսի հարցերի, ինչպիսիք են գրքերի և կրթության ազատ հասանելիությունը: Հենց սա նկատի ունենալով նա սահմանեց գրադարանավարության հինգ օրենքները։ Հայտնի կանոններ, որոնք այսօր պահպանվում են աշխարհի գրադարաններում և դրանց հիման վրա նոր կանոններ են ձևավորվել։
Առաջին Կանոն. Գիրքը նախատեսված է օգտագործման համար
Սա գրադարանավարության ծառայությունների հիմնական օրենքն է: Ռանգանաթանն այս հայտարարությունը արեց, քանի որ գրադարանավարներն ավելի շատ մտածում էին գրքերի պահպանման և արխիվացման, քան դրանք օգտագործելու մասին: Իհարկե, նա չբացառեց գրքի պահպանումը, այլև նա ավելի շուտ շեշտը դրեց գրքի օգտագործման վրա և անհրաժեշտ համարեց ուշադրություն դարձնել այնպիսի գործոնների վրա, ինչպիսիք են գրադարանի գտնվելու վայրը, փոխառությունների հատկացումը, աշխատանքային ժամերն ու օրերը, ինչպես նաև սարքավորումների և անձնակազմի որակը:
Երկրորդ կանոն. Յուրաքանչյուր ընթերցող ունի իր գիրքը
Այս օրենքը նշանակում է, որ հասարակության յուրաքանչյուր անդամ պետք է հասանելություն ունենա իր ցանկացած գրքին: Ռանգանաթանը կարծում էր, որ ցանկացած հասարակությունում գրադարանային ծառայությունները պետք է մատուցվեն բոլորին, և որ գրադարանի հիմքը կրթությունն է: Գրադարանավարը պետք է լավ ճանաչի հասարակության անդամներին: Գրքերը պետք է համապատասխանեն համայնքի կարիքներին, իսկ գրադարանները պետք է խթանեն իրենց ծառայությունները՝ ավելի լայն ընթերցողների համար:
Երրորդ կանոն . Յուրաքանչյուր գիրք ունի իր ընթերցողը
Այս սկզբունքը շատ մոտ է երկրորդ սկզբունքին, բայց ավելի շատ կենտրոնանում է գրքի վրա։ Այս կանոնը նշանակում է, որ գրադարանի յուրաքանչյուր գիրք պետք է օգտակար լինի մարդուն կամ անձանց: Ուստի պետք է մեթոդներ կիրառել, որպեսզի յուրաքանչյուր գիրք գտնի իր ընթերցողին։ Այս ուղիներից մեկը բաց դարակներն են:
Չորրորդ կանոն . Խնայեք ընթերցողի ժամանակը
Ռանգանաթանը խորհուրդ է տվել օգտագործել գրադարանների կառավարման համապատասխան մեթոդներ, ներառյալ հավաքածուն մեկ վայրում կենտրոնացնելը, գրադարանավարի հմտությունը դասակարգելու գրքերը, խաչաձև հղումներ անելու, գրքեր պատվիրելու, ընթերցողի կողմից հղումների հասանելիությունը հեշտացնելու և գրքերի շրջանառությունը:
Հինգերորդ կանոն. Գրադարանը աճող օրգան է
Այս օրենքն ավելի շատ վերաբերում է ներքին փոփոխությունների անհրաժեշտությանը, քան միջավայրի փոփոխություններին: Ռանգանաթանը կարծում էր, որ գրադարանը պետք է տեղ ունենա անձնակազմի աճի, ֆիզիկական հավաքման և օգտագործման համար: Սա պահանջում է գրադարանի շենքի, ընթերցասրահների և գրադարակների տարածքի մեծացման հնարավորություն։
Գրադարանավարությունը մշակութային և հետազոտական մասնագիտություն է, որն անցնում է տարբեր փուլերով, գրքի ընտրությունից և գրադարանի ընդհանուր նպատակներին դրա համապատասխանությունից մինչև մատյանում գրանցման, գրքի ցուցակագրման և դասակարգման քայլերը: Այս փուլերում գրքի ցուցակագրումը կատարվում է միջազգային չափանիշներին և առարկայական անվանումներին ու գրադարանին համապատասխան:Այս թերթիկը պարունակում է գրքի մասին բոլոր տեղեկությունները: Այնուհետև կրկնօրինակել էջերը և պատրաստել գիրքը։ Գրքի հետևի մասում փակցվում է գրքի պիտակը (ուղեցույցի համարը): Ի վերջո, գիրքը տեղադրվում է նույն համարով գրքերի կողքին։ Գիրքը գնելուց անմիջապես հետո չի տեղադրվում դարակում, ավելի շուտ այն անցնում է տարբեր փուլերով որպեսզի պատրաստ լինի ընթերցողներին տրամադրելու համար: Գրադարանավարի պարտականությունն է կատարել այդ քայլերը զգույշ և գիտական մեթոդներին համապատասխան:
Բոլոր այն հասարակություններում, որոնք ունեն ընթերցանության զարգացած մշակույթ, մասնագիտական գրադարանավարությունը կարևոր և արժեքավոր է, հատկապես գրադարանավարությունը դպրոցներում և մանկական գրադարաններում կամ հանրային գրադարանների մանկական բաժնում։ Դպրոցներում ուսուցիչները օգտվում են գրադարանավարների առաջարկներից և օգնությունից՝ ընթերցանության նյութեր և հետազոտական ռեսուրսներ ընտրելու և առաջարկելու հարցում, իսկ հեղինակները, նկարազարդողները և մանկական գրքերի քննադատներն օգտագործում են մանկական գրադարանավարների փորձը՝ իրենց աշխատանքը բարելավելու համար: Գրադարանավարներն այնքան կարևոր են ընթերցանության և մանկական գրականության մշակույթը խթանելու գործում, որ մրցանակներից մի քանիսն անվանել են նրանց անունով:
Փուրա Բելփրեն ծնվել է 20-րդ դարի սկզբին Պուերտո Ռիկոյի Սիդայում: Նա երիտասարդ տարիքում ներգաղթել է Միացյալ Նահանգներ և, ինչպես և շատ այլ պուերտո-ռիկացի կանայք, ովքեր այդ ժամանակ ներգաղթել էին Նյու Յորք, աշխատել է հագուստի արդյունաբերության ոլորտում: Իսպաներենի և գրականության իմացությամբ նա աշխատանքի է ընդունվում Հարլեմ թաղամասում գտնվող Նյու Յորքի հանրային գրադարանի իսպանական գրականության բաժնում: 1926 թվականին նա սկսեց իր պաշտոնական ուսումը գրադարանավարության ոլորտում Նյու Յորքի հանրային գրադարանում, իսկ 1929 թվականին տեղափոխվեց 115-րդ փողոցի մասնաճյուղ։ Գրադարան, որը հետագայում նրա աշխատանքի արդյունքում դարձավ կարևոր մշակութային կենտրոն Լատինաամերիկացիների համար։ Բելփրիի գրադարանավարությունն ուղեկցվում էր գրելով։ Նա անգլերենով գրել է մանկական գրքեր և թարգմանել ու հրատարակել իր հավաքած Պուերտո Ռիկոյի ժողովրդական հեքիաթները: 1982 թվականին նա արժանացել է Նյու Յորքի քաղաքապետի մշակույթի և արվեստի մրցանակին և մահացել նույն թվականին։ Ամերիկյան գրադարանային ասոցիացիան REFORMA-ի՝ Լատինական Ամերիկայի և իսպանալեզու գրադարանային և տեղեկատվական ծառայությունների խթանման ազգային ասոցիացիայի հետ միասին ի հիշատակ Փուրա Բելփրի 1996 թվականին սահմանել է մրցանակ: Մրցանակը շնորհվում է երկու տարին մեկ անգամ լատինաամերիկացի գրողներին կամ նկարազարդողներին, ովքեր լավագույնս արտացոլում են լատինաամերիկացիների մշակույթն ու փորձառությունն իրենց աշխատանքում:
Պիտակ
