حمد الله محب:
د طالبانو روانه جګړه د قدرت ترلاسه کولو لپاره ده
د افغانستان د ملي امنیت صلاحکار په دغه هیواد کښې د وروستیو نښتو زیاتیدو ته په اشارې سره وویل چې د طالبانو له خوا د روان جنګ موخه، د قدرت ترلاسه کول دي.
د افغانستان د ملي امنیت صلاحکار په دغه هیواد کښې د وروستیو نښتو زیاتیدو ته په اشارې سره وویل چې د طالبانو له خوا د روان جنګ موخه، د قدرت ترلاسه کول دي.
حمد الله محب وویل: طالبانو تیره اونۍ د افغانستان د اوو ولایتونو د نیولو لپاره پراخې حملې پیل کړې خو تراوسه نه دي کامیاب شوي.
هغه په افغانستان کښې د نښتو زیاتیدو ته په اشارې سره زیاته کړه: طالب ډله د صلحې قابلیت او وړتیا نه لري او هڅه کوي چې قدرت د زور له لارې ترلاسه کړي خو د افغانستان حالات په ښه کیدو دي او طالبانو هم په څو ولایتونو کښې ماتې خوړلې ده.
محب په دې ټکي باندې په ټینګار سره چې د طالبان جګړه روا نه ده، خو ویې ویل چې دغه ډله په افغانستان کښې یو حقیقت دی او حکومت غواړي چې دغه طالبان د نورو خلکو ترڅنګ په صلحه ایزه توګه ژوند تیر کړي.
