د افغانستان حکومت سبا ورځ عمومي ویر اعلان کړ
زمونږ خبریال وايي د افغانستان ولسمشر اشرف غني د کابل ښار په لویدیځ کښې د سیدالشهدا د ښوونځي په زده کونکو باندې له ترهګرې حملې وروسته سبا ورځ عمومي ویر اعلان کړ .
اشرف غني وویل د افغانستان ټولې اجرايي ادارې به سبا ورځ د کابل د ترهګرې حملې د وژل شویو کسانو لپاره د فاتحې د لوستلو مراسم ترسره کړي .
د افغانستان ولسمشر اشرف غني د کابل د ترهګرې حملې د ژوبلو کسانو په حالت باندې د سمدستي غور غوښتنه وکړه .
هغه وویل ترهګرې ډلې کله په داعش او کله په طالبانو نومونو سره نشي کولای د علم او د پوهې په ترلاسه کولو کښې د افغانستان د بچیانو اراده کمزوري کړي .
له دې مخکې د افغانستان حکومت په کابل کښې په سیدالشهدا ښوونځي باندې د حملې په شمول د ترهګرو حملو په غندلو سره طالبان د دغو بریدونو مسول بللي خو دغه ډله د کابل په حملې کښې لاس لرل ردوي .
د کابل په لویدیځ کښې په سید الشهدا ښوونځي باندې د ترهګرې حملې د وژل شویو کسانو شمیر اوس اته پنځوسو(۵۸) ته رسیدلی او د ژوبلو شمیر هم له یوسل پنځوسو (۱۵۰)اوښتی دی .
