په بدخشان کښې طالب ډلې اوۀ ولسي ځواکونه ووژل

د افغانستان د بدخشان ولايت ځاي چارواکو په جَرم ولسوالۍ د طالب ډلې په حمله کښې د شپږو ولسي ځواکونو د وژل کېدو خبر ورکړ.

له مزار شريفه زمونږ د خبريال د رپوټ له مخې د بدخشان ولايتي شورا غړي عبدا... ناجي نظري وويل: تېره شپه طالب ځواکونو په جرم ولسوالۍ حمله کړه چې پکښې شپږه ولسي ځواکونه ووژل شول او درې نور هم ژوبل شول.

د بدخشان د والي وياند نېک محمد نظري هم په دې اړه وويل، چې دغه حمله ولسي ځواکونو په شا وتنبوله.

هغه زياته کړه په دغو نښتو کښې يو شمېر ولسي ځواکونه مړۀ او ژوبل شول چې لا دقيقه شمېر يې نه دے معلوم.