په میدان وردګو ولایت کې د ۲۳حلقو څاګانو کیندلو چارې پیل شوې
د میدان وردګو په نرخ ولسوالۍ کې د کلیو بیارغونې او پراختیا وزارت د اوبو رسولو او روغتیا ساتنې ملي پرګرام له لوري د (۲ میلیونه ۸ لکه او ۷۵ ) زره افغانیو په ارزښت د (۲۳) حلقو څاګانو د کېندلو چارې پیل شوې.
د میدان وردګو په نرخ ولسوالۍ کې د کلیو بیارغونې او پراختیا وزارت د اوبو رسولو او روغتیا ساتنې ملي پرګرام له لوري د (۲ میلیونه ۸ لکه او ۷۵ ) زره افغانیو په ارزښت د (۲۳) حلقو څاګانو د کېندلو چارې پیل شوې.
دغه (۲۳) حلقې څاګانو د کلیو بیارغونې او پراختیا وزارت په غوښتنه او د مالیې وزارت په مالي مرسته کېندل کیږي چې په بشپړېدو سره به یي د دې ولسوالۍ تر (۵۰۰) زیاتو کورنیو ته د څښاک لپاره پاکې او صحي اوبه برابرې شي.
په دې وروستیو کې په میدان وردګو ولایت کې د بیا رغونې پروژې مخ په ډیریدو ښکاري . تردې شاوخوا یوه میاشت وړاندې دمیدان وردګو ولایت د (سیدآباد) ولسوالۍ د (ملي خېلو) په کلي کې د ملي پراختیا شرکت له لوري د څه باندې (۲۷.۵) میلیونو افغانیو په لګښت د یوه ښوونځي نوې ودانۍ بشپړه او ګټې اخیستنې ته وسپارل شوه.
