پاکستانيان د افغانستان د کورنیو چاروپه باب دخبروحق نه لري
د پاکستان خارجه وزیر شاه محمود قریشي امریکا ته د افغانستان د ولسمشر د کیدونکي سفر په باب وئیلي دي، که واشنګټن ته د سفر موخه دافغانستان د درستو مشکلاتو او د سولې په بهیر کې د نه پرمختګ لپاره دپاکستان د مسئول بللو او دنوو تورونو لګولو پیلیدا وي ،نو دغه سفر به هیڅ مرسته ونه کړي .
تسنیم خبري آژانس راپور ورکړی ، د افغانستان ولسمشر دپاکستان د خارجه وزیر د روستیو څرګندونو په غبرګون کې ټينګار کړی ، پاکستاني چارواکي د بین الافغاني داخلی مسئلو په باب د څرګندونو حق نه لري .
د افغانستان د ولسمشر مرستیال ویندوي محمد امیري په دې باب د پاکستان دخارجه وزیر دڅرګندونو په غبرګون کې چې افغانان باید په داسې رهبرۍ پسې شي ، څو سوله تامین کړائ شي ،وئیلي دي ، داسې ډير شواهد شته چې اسلام اباد د افغانستان د حکومت د وسلوالو مخالفانو ملاتړ کوي.
امیري امریکا ته د افغانستان د ولسمشر کیدونکي سفر ته په اشارې سره زیاته کړې ده ، دغه سفر د کابل واشنګټن ترمینځ دډيپلوماټيکو اړیکو او ګډو ګټو په اساس کیږي .
د پاکستان خارجه وزیر شاه محمود قریشي امریکا ته د افغانستان د ولسمشر د کیدونکي سفر په باب وئیلي دي، که واشنګټن ته د سفر موخه دافغانستان د درستو مشکلاتو او د سولې په بهیر کې د نه پرمختګ لپاره دپاکستان د مسئول بللو او دنوو تورونو لګولو پیلیدا وي ،نو دغه سفر به هیڅ مرسته ونه کړي . قریشي له دې مخکې همداراز د افغانستان په حکومت کې د رهبرۍ اولارښونې د څرنګوالي باندې په نیوکو سره وئيلي ، افغانستان داسې رهبرۍ ته اړتیا لري چې دیوه بریالۍ نتیجې لپاره خبرې اترې وکړي او په دغه هیواد کې سوله تامین کړي .
