آیا طالبان د سولي په بهیر کې ریښتیني دي؟

له افغانستان څخه د بهرنیو ځواکونو د وتلو له بهیر سره سم، طالبان په افغان ځواکونو خپل بریدونه زیات کړي چي ورسره د سولي په بهیر کې د طالبانو د هوډ او د ارادې په هکله شکونه پیدا شوي دي.

دا چي آیا طالبان د سولي په بهیر کې رېښتني دي که نه دا اوس په یوه پوښتنه بدله شوې ځکه چي د بهرنیو ځواکونو د وتلو د بهیر له پېلېدو سره تمه کېده چي دغه ډله اورکم ته غاړه کښېږدوي او له افغان حکومت سره د افغانستان د راتلونکې په اړه خبري اتري وکړي خو اوس دغه ډله ورځ تر بلي تاوتریخوالو ته زور ورکړي او په ولسوالیو باندې پراخ بریدونه پیل کړي.

په دې اړه مو په جلال آباد کې د افغان کارپوه او د پوهنتون استاد منګل شېرزاد سره مو یوه مرکه کړې.