د افغانستان د روغتیا نظام د پاشل کیدا په درشل کښې دی
زمونږ خبریال وايي د افغانستان طبي سرچینو د دغه هیواد د روغتیا او د درملنې د نظام د دړې وړې کیدا په هکله خبرداری ورکړ .
د افغانستان طبي سرچینو پرون وویل د نړیوالو مرستو د نه رسیدا په بڼه کښې به په دغه هیواد کښې د درملنې او د روغتیا د نظام د پاشل کیدا ټلې وکړنګیږي .
دغه راپور وايي په کابل ښار کښې د اندراګاندي په نوم د ماشومانو د تخصصی روغتون حالت په دې ډول چې حتی په یوه (۱) کټ کښې دوه (۲) یا درې (۳) ماشومان بستري کړې شوي دي .
په افغانستان کښې واک ته د طالبانو له رسیدا وروسته د افغانستان د روغتیا او د طب له برخې سره د نړیوالو مرستو د غوڅیدا نتیجې اوس د ښکاره کیدا په حال کښې دي .
د ناروغه کسانو کورنۍ چې اکثره یې د افغانستان بې وزله او کم عایده پرګنې ګڼل کیږي د خپلو مریضانو لپاره د درملو د برابرولو توان نلري یعني پیسې ورسره نشته .
د کابل ښار د اندرا ګاندي د روغتون د مشر ډاکټر یوسفزي له وینا دغه نتیجه اخیستلی شو چې په افغانستان کښې د درملنې مرکزونه د چټي کیدا په حال کښې دي .
نړیوالو موسسو هم ویلي دي که چیرې نړیواله ټولنه د افغانستان د روغتیا او د درملنې له برخې سره مرسته ونکړي دوه زره او درې سوه (۲۳۰۰) طبي مرکزونه به چې د دغه هیواد د طبي مرکزونو نوي (۹۰) فیصده جوړوي په راتلونکو میاشتو کښې چټي شي .
د روغتیا نړیوالې موسسې ډبلیو ایچ او (who) هم په تیرې پنجشنبې ورځ د افغانستان د روغتیا برخې د پاشل کیدا په هکله خبرداری ورکړی او ویې ویل دغه برخه د روان میلادي کال تر پاې پورې د سل (۱۰۰) میلیونو ډالرو ترلاسه کولو ته ضرورت لري .
د افغانستان د روغتیا برخې د مالي تامین د پیسو د ځنډولو لپاره د نړیوال بانک فیصلې د دغه برخې په قدرت باندې منفي اغیز اچولی دی .
په دغو شرایطو کښې امریکا هم د خپل هیواد په بانکونو کښې د افغانستان شتمنۍ او د سرو زرو ذخاییر کنګل کړي دي چې دغه چارې د افغانستان د خلکو په اقتصادي حالت او تجارتي فعالیتونو اغیز شیندلی دی .
