افغانستان کښې خلکو ته د کورونا واکسین وهل پیل شوي
Oct 22, 2021 12:57 Asia/Kabul
زمونږ خبریال وايي ملګروملتونو له طالبانو څخه له اجازې ترلاسه کولو وروسته په افغانستان کښې خلکو ته د کورونا واکسینونونو د وهلو لپاره هڅه پیل کړي ده .
د ملګروملتونو د ماشومانو د صندوق یونیسف ویاند «سابرینا سیدو» له واشنګټن پوسټ ورځپاڼې سره په مرکه کښې وویل د طالبانو په اجازې سره د افغانستان په جنوب کښې په څوارلسو (۱۴)ولایتونو کښې خلکو ته د کورونا واکسین وهل پیل شوي دي .
ملګروملتونو او طالبانو له دې مخکې په تیرو څو اونیو کښې د افغانستان ښاریزو ته د کورونا واکسینونونو د وهلو په هکله خبرې کړي وې .
د ختیځې مدیترانۍ په برخه کښې د روغتیا د نړیوالې ادارې ډبلیو ایچ او (WHO)مدیر ریچارډ برینان ویلي دي د افغانستان یوازې څلور(۴) اعشاریه درې(۳) فیصده خلکو ته د کورونا واکسینونه وهل شوي دي .
ټیګونه
