طالبانو د بانکونو ۳۶ ای ټي ایم ماشینونه فعال کړي دي
صدای افغان خبري اژانس وايي د افغانستان د طالبانو د موقته حکومت مرکزي بانک تراوسه د کابل په شمول د هیواد په بیلابیلو سیمو کښې د پیسو د ایستلو کابو شپږدیرش (۳۶) اتومات دستګاوي یعني ای ټي ایم ( automated teller machine) ماشینونه فعاله کړي دي .
د افغانستان د طالبانو د موقته حکومت د مرکزي بانک ویاند صابر مومند نن وویل په راتلونکي کښې به په ټول هیواد کښې د بانکونو د ای ټي ایم ( automated teller machine) ټول ماشینونه فعال شي .
هغه وویل د طالبانو حکومت هڅه کوي چې خلکوته د بانک ښه خدمات وړاندې کړي .
د تیر میلادي کال د اګست د میاشتې په پینځلسمه (۱۵)نیټه په افغانستان کښې واک ته د طالبانو له رسیدا او د بانک او د نقدو پیسو په ترلاسه کولو کښې له کړکیچ رامینځته کیدا وروسته د بانکونو د ای ټي ایم ماشینونو فعالیتونه بند شول چې دغه کار خلک له ډیرو مشکلاتو سره مخ کړي دي .
