د خارجي سفارتونو پرانیستل د طالبانو په رسمیت پيژندل دي

طلوع نیوز ټیلي ويژن راپور ورکړ د طالبانو لوړرتبه غړي انس حقاني په کابل کښې د ځینو خارجي سفارتونو پرانیستل د نړیوالې ټولنې لخوا د طالبانو په رسمیت د پیژندلو نښه وبلله .

هغه وړمه ورځ د خوست ولایت د خلکو په ټول کښې وویل همدا اوس په ځینو هیوادونو کښې د طالبانو استازیو په رسمي ډول د افغانستان په سفارتونو کښې  خپل ډیپلوماټیک فعالیت پیل کړی دی .

حقاني وویل د هیوادونو لخوا د طالبانو په رسمیت د پیژندلو پټ بهیر په کابل کښې د ځینو سفارتونو په پرانیستل کیدا سره دوام لري .

دغه راز د طالبانو د حکومت د اقتصاد د وزیر مرستیال عبدالطیف نظري وویل پانګه اچونکي کولای شي له هیڅ اندیښنې پرته په افغانستان کښې پانګونه وکړي .

طالبان هڅه کوي د معدن او کرهڼې په زمینه کښې د خارجي پانګې په جذبولو سره د افغانستان اقتصادي مشکلات او ستونزې حل کړي .