افغان پوهنتونوال د پوهنتونونو له حالته خوابدي دي
د پوهنتونونو د خلاصولو په لړ کښې د طالبانو له مثبت ګام سره سره، په پوهنتونونو کښې موجودې ستونزې او کمښتونه د محصلینو او استادانو د اندیښنې لامل شوي دي
د بلخ پوهنتون محصلینو او استاذانو د پوهنتونونو د بیرته خلاصولو د پریکړې په وجه د طالبانو له لنډمهاله حکومته د مننې او قدرتې سره سره، په کمښتونو په تیره بیا د تجربه کاره استاذانو په کمي باندې نیوکه کړې ده.
افغان پوهنتوالان وايي چې د امریکې په هڅولو او پروپاګنډو سره او په کلي توګه د طالبانو خلاف د لویدیځ د بدو اقداماتو په وجه د علمي کادر کډه کیدو، د افغانستان پوهنتونونه د استادانو له کمي سره مخامخ کړي دي او دا نیمګړتیا د محصلینو د نارضایتۍ لامل شوې ده.
هغوي د بودجې کمی او د تجربه کاره استادانو نشتوالی د هیواد علمي او تخصصي سطحې ته سخت تاوان وباله.
د وروستیو احصائیو له مخې په افغانستان باندې د طالبانو له واکمنیدو وروسته د افغانستان له یوازې دریو پوهنتونونو څخه ۲۲۹ تنه تجربه لرونکي استادان د امریکې د تبلیغاتو تر اغیزې لاندې او د بودجې د کمي او له امله یې د افغانستان د لوړو زده کړو د برخې استادانو ته په وخت د معاشونو د نه ورکول کیدو په وجه نورو هیوادونه ته مخه کړې ده.
