د افغانستان طالبانو د صهیونیسټانو بریدونه وغندل
زمونږ خبریال وايي د افغانستان د طالبانو موقته حکومت په الاقصی جومات او په قدس کښې په فلسطینیانو باندې د صهیونیسټ رژیم د عسکرو د وروستیو حملو په غندلو سره د دغه رژیم د تیریو په مقابل کښې د اسلامي هیوادونو د مقاومت کولو غوښتنه وکړه .
د طالبانو د موقته حکومت خارجه وزارت پرون په یوې خبر پاڼه کښې په الاقصی جومات کښې په بې ګناه ملکي وګړو باندې د صهیونیسټ نیواکګرانو د حملو د غندلو په ترڅ کښې په نړیوالې ټولنې او اسلامي هیوادونو غږ وکړ د فلسطین د خلکو د انساني حقوقو د احقاق او د اسرائیلو د جنایتونو د بندولو لپاره عملي او جدي ګامونه پورته کړي .
د فلسطین د لویدیځې غاړې ښارونه په تیره بیا جنین ، قدس او الاقصی جومات د روژې د مبارکې میاشتې له پیلیدا راهسې د صهیونیسټ رژیم له سختو تیریو سره مخامخ دي او تراوسه د صهیونیسټ رژیم د نیواکګرو عسکرو په ډزو باندې د فلسطین یوشمیر ښاریز شهیدان شوي هم دي .
نوي راپورونه وایي چې د صهیونیسټ رژیم په دغو بریدونو کښې کابو شل(۲۰) فلسطینیان شهیدان او یوسل شپیته (۱۶۰)نور ژوبل شوي دي .
صهیونیسټ نیواکګرو عسکرو د الاقصی جومات په انګڼ کښې د لمونځ ګزارو د ځپلو لپاره اوښلن ګازونه استعمال کړي دي او د وسپنې ګولې یې کارولي دي .
