طالبانو د مزار شریف پرونۍ حمله وغندله

طالبانو په مزار شریف کښې د شیعه مسلمانانو په جومات باندې ترهګره حمله وغندله

د طالبانو ویاند په مزار شریف کښې د شیعه مسلمانانو په جومات باندې د پرونیو ترهګرو بریدونو په غندلو سره وویل چې د دې جنایت عاملان به معلوم کړي.

ذبیح ا... مجاهد په یو پیام کښې پرون په کابل، بلخ او قندوز کښې د ملکي وګړو خلاف د شویو ترهګرو چاودنو په غندلو سره دغه جنایتونه د هغو دلو کار وباله چې په افغان ټولنې پورې هیڅ اړه نه لري.

د ویلو ده چې پرون په (سه دکان) مشهور د بلخ ولایت د مرکز مزار شریف په ترټولو پخواني او ستر حضرت محمد رسول الله(ص) نومې جومات باندې د ترهګرې حملې له امله لسګونه تنه شهیدان او ژوبل شوي دي.

پرون د افغانستان په ننګرهار، کابل او قندوز ولایتونو کښې هم ترهګرې چاودنې وشوې.