د افغانستان د انجلیو د ښوونځیو ستونزه زر حل کیږي
فارس خبري اژانس وايي طالبانو په نږدې راتلونکي کښې د انجلیو د ښوونځیو د بیرته پرانیستل کیدا د مشکل د هواري خبر ورکړ .
د افغانستان لوړرتبه غړي انس حقاني په خوست ولایت کښې وویل د انجلیو د ښوونځیو د بیرته پرانیستل کیدا د مشکل د حل کولو لپاره به د دیني عالمانو یوه(۱) غونډه جوړه شي .
د طالبانو د زدکړې وزیر مولوي نور الله منیر هم څه موده مخکې ویلي وو چې د انجلیو ښوونځي به په نوي مکانیزم سره پرانیستل شي.
هغه ومنله چې د طالبانو حکومت د انجلیو د ښوونځیو د بیرته پرانیستلو لپاره د نړۍ د هیوادونو لخوا تر سخت دباو لاندی دی او مونږ هم د سړیو او د ښځو لپاره د زده کړې ضرورت درک کوو .
له بلې خوا د طالبانو د کابینې لومړي مرستیال ملا عبدالغني برادر هم فراه ولایت ته په سفر کښې هیله وکړه چې په افغانستان کښې د انجلیو ښوونځي زر بیرته پرانیستل شي .
دا په داسې حال کښې دي چې د طالبانو د زده کړې وزارت څه موده مخکې ویلي وو چې د انجلیو د ښوونځیو د بیرته پرانیستلو حکم د دغه ډلې د مشر په لاس اختیار کښې دی او له مشر څخه د حکم د ترلاسه کیدا په بڼه کښې به زر د انجلیو ښوونځي له سره پرانیستل شي .
اوه (۷) میاشتې کیږي چې طالبانو د افغانستان انجلۍ ښوونځیو ته له تلو منع کړي دي او همدا اوس هم په ټول هیواد کښې د انجلیو ښوونځي بند دي چې دغه چارې د دنیا د زیاتو هیوادونو غبرګون ځان پسې لرلی دی .
