د طالبانو د لوړو زده کړو وزیر ترکیې ته لاړ
د طالبانو د حکومت د لوړو زده کړو وزیر د افغانستان د دغې برخې د پیاوړتیا لپاره د ترکیې له چارواکو سره د خبرواترو په موخه دغه هیواد ته تلی دی
د آوا خبري آژانس د خبر له مخې د طالبانو د حکومت د لوړو زده کړو د وزارت په خبرپاڼه کښې راغلي دي، ټاکل شوې چې حقاني د افغانستان د ښوونې له نظام سره د ترکیې د مرستې، د تحصیلي بورسیو او سکالرشپونو د زیاتولو، د اکاډمیکو همکاریو، د دواړو هیوادونو د پوهنتونونو ترمینځ د ګډو تحقیقاتي پروژو او د دلچسپۍ وړ نورو مسائلو په هکله صلاح مشورې وکړي.
ترکیې ته د افغانستان د لوړو زدکړو د وزارت په تللي پلاوي کښې هم داشان د کابل پوهنتون مشر او د دغه وزارت ځیني نور مسئولان هم شتون لري.
د افغانستان د تیر حکومت له پرزیدو او واک ته د طالبانو له رسیدو وروسته دا د لوړو زده کړو د وزیر وړومبنې بهرنې سفر دی.
ترکیې ته د عبدالباقي حقاني سفر په داسې حال کښې دی چې د افغانستان ښځې او جینکۍ لاهم د زده کړې او کار له حق څخه بې برخې دي.
