د افغانستان په ضد د امریکا دسیسې هماغه شان دوام لري
د طالبانو د موقته حکومت د خارجه وزارت سرپرست امیر خان متقي هم پرون په یولړ څرګندونو کې په ډ اګه وئيلي دي ،له نړیوالې ټولنې سره ددغه حکومت تعامل په رسمي توګه دوام لري .
ایرناخبری آژانس راپور ورکړ، په افغانستان کې د طالبانو د موقته حکومت د مشر مرستیال ملاعبدالغني برادر پرون په یولړ څرګندونو کې ووئيل ، که څه هم په دغه هیواد کې د امریکائي اولویدیځوالو نیواکګرو د شتون پړاؤ ختم شوی دی او دغو دښمنانو بشپړماته خوړلې ، خو تر دې دمه په سیاسی او اقتصادي ډګرونو کې هماغه شان د افغانستان په ضد دسیسې جوړوي .
ملاعبدالغني برادر زیاته کړې ده ، دښمن په هره ممکنه بڼه غواړي، دطالبانو د حکومت په وړاندې خنډونه جوړ کړي ، خو هیڅکله به کامیاب نشي .
دا په داسې حال کې دي چې د طالبانو د موقته حکومت د خارجه وزارت سرپرست امیر خان متقي هم پرون په یولړ څرګندونو کې په ډ اګه وئيلي دي ،له نړیوالې ټولنې سره ددغه حکومت تعامل په رسمي توګه دوام لري .
هغه دغه راز ووئيل د هرې ورځې په تیریدا سره له نړیوالو سره ددغه حکومت اړیکې لا پياوړي کیږي او ټاکل شوې ده ، یو شمیر هیوادونه په افغانستان کې یو ځل بیا خپل سفارتونه پرانیزي . امیر خان متقي هیله وښودله چې د نړۍ له مختلفو هیوادونو سره دطالبانو د حکومت د اړیکو پراختیا ښې بریاوې ولري .
طالبان هڅه کوي ، د نړۍ له مختلفو هیوادونو او نړیوالو ټولنو سره خپلې اړیکې پراخې کړي ، خو تر دې دمه هیڅ یوه هیواد یا نړیوالې ټولنې دغه حکومت په رسمیّت نه دی پيژندلی . د میرمنو د اساسی حقوقو تامینیدا ، د انجونو د ښونځیو او پوهنتونونو بشپړ پرانیستل ، د نورو هیوادونو په ضد د افغانستان نه استعمالیدل او په دغه هیواد کې د ټولشموله حکومت جوړیدا د طالبانو د حکومت د په رسمیّت پيژندنې لپاره د نړیوالې ټولنې وارمخکې شرطونه دي .
