په کابل کې به د سوالګرو راټولول پیل شي

په افغاستان کښې د طالبانو د مشر ملاهبت الله اخوندزاده د حکم پر اساس به ډېر زر په کابل کې د سوالګرو د ستونزو د هواري په هدف د هغوی راټولول پیل شي.

په افغاستان کښې د طالبانو د مشر ملاهبت الله اخوندزاده د حکم پر اساس به ډېر زر په کابل کې د سوالګرو د ستونزو د هواري په هدف د هغوی راټولول پیل شي.

د ریاست الوزرا له اقتصادي معاونت څخه  نن په خپره شوې خبرپاڼه کې راغلي چې په دې لړ کې به هغه سوالګرو ته چې کسب یې زده وي، په اړونده برخه کې د کار زمینه برابره شي.

همدارنګه واقعي سوالګرو ته به د معاش او د دوی ماشومانو ته به د زده کړو زمینه برابره کړي.

دا خبر په داسې حال کې ورکول کېږي چې له دې وړاندې هم د رییس الوزرا د لومړي معاونت له لوري یو شمېر ادارو ته دنده سپارل شوې وه، څو په کابل کې سوالګر راټول کړي او دغه راز د فقر د زیاتوالي مخه ونیسي.