سیلابونو په کندهار کې۶تنه مړه کړي
ځايي سرچينو ويلي،چې سربېره پر دې سېلونو یو شمیر کورونه او حکومتي تاسیسات هم ويجاړ کړي.
په افغانستان کې د ځپونکو ورښتونو او سېلونو په دوام نن سهار د کندهار په معروف ولسوالۍ کې د شدیدو ورښتونو له امله راغلو سیلابونو شپږ کسان وژلي.
ځايي سرچينو ويلي،چې سربېره پر دې سېلونو یو شمیر کورونه او حکومتي تاسیسات هم ويجاړ کړي.
د کندهار د معروف ولسوالۍ د طالبانو امنیه قومندان ملا طاهر ادریس وایي، د سیلابونو له امله دغه ځاني او مالي تلفات د معروف ولسوالۍ په مرکز کې رامنځ ته شوي .
د نوموړي په وینا سیلابونو د ملکي خلکو لسګونه کورونه او د معروف ولسوالۍ د امنیه قومندانۍ او محبس ودانۍ هم تخریب کړي .
په وروستيو کې د افغانستان ډېرې برخې ورته ورښتونو او سېلونو ځپلي.
د هوا پېژندنې ادارې پرون د کندهار په ګډون د افغانستان په ۲۲ولایتونو کې د سختو ورښتونو او سېلاوونو د وتو وړاندوینه کړې وه.
وروستيو طبيعي پېښو افغانستان په شدت سره ځپلی او د سلګونه تنو د مرګ ژوبلې تر څنګ ېې زرګونه کورونه وېجاړ کړي.
د پېښو زيانمن شوي د طالبانو له حاکمې ادارې او نړیوالې ټولنې غواړي چې د لاسنیوي لپاره ېې عاجل لاس په کار شي.
