له افغانستان سره یو میلیارډه ډالرې مرستې شوي دي
د افغانستان مرکزي بانک وویل له کابل سره د نړۍ نقدې بشر دوستانه مرستې څه د پاسه یو میلیارډ ډالرو ته رسیدلي دي.
د افغانستان د مرکزي بانک ویاند صابر مومند وویل تراوسه له کابل سره د نړۍ یو میلیارډ او یوسل دیارلس میلیونه او شپږ لکه ډالره نقدې مرستې شوي دي.
مومند د نړۍ په هیوادونو غږ وکړچې له افغانستان سره د بانک په برخه کښې تعامل او ملګرتیا وکړي له افغانستان سره د بانکي راکړو ورکړو زمینه برابره کړي.
هغه وویل یوازې په تیرو دوو ورځو کښې د افغانستان لپاره د نړۍ اتیا میلیونه ډالره نقدې مرستې کابل ته رسیدلي دي.
د افغانستان لپاره د نړۍ بشر دوستانه مرستې په داسې حال کښې دي چې د طالبانو په بیا واکمنیدا سره امریکا د طالبانو پرضد په خپل لومړي اقدام کښې د افغانستان څه د پاسه نهه میلیارډه ډالره کنګل کړل او دغه کار د افغانستان لپاره ډیر مشکلات رامینځته کړي دي.
