له شل کلونو وروسته افغانستان د امریکا لپاره اهمیت لري
د کابل د پوهنتون استاد او د حقوقي مسائیلو کارپيژاند اسحاق نبي زاده وايي، د دوه زره لومړي میلادي کال د سپتمبر د میاشتې یولسمې نیټې پیښې په افغانستان باندې د امریکا د لشکرکشۍ په شمول د نړۍ لپاره ورانونکي پایلې درلودلې.
اسحاق نبي زاده په کابل کښې له ایران پریس خبري اژانس سره په مرکه کښې له شلو کلونو وروسته د ۲۰۰۱ میلادي کال د سپتمبر د میاشتې د یولسمې نیتې د پایلو په هکله وویل په افغانستان باندې د امریکا په برید سره د بشري حقوقو مقوله او د نړیوال امنیت مفهوم ګډوډ شو.
په کابل کښې د حقوقي مسائیلو کارپیژاند نبي زاده جوته کړه هغه څه چې د سپتمبر د یولسمې نیټې پیښو د افغانستان لپاره له ځان سره راوړل په افغانستان کښې د جنګ زیاتیدل ، د ناامنۍ ډیریدل، د بې اعتمادۍ زیاتیدل، د بې وزلۍ ډیریدل، او د ضروري بیخ بنایانو تخریبیدل په تیره بیا د ملت د جوړونې د مولفو تخریبیدل او د اقتصادي بیخ بنایانو له مینځه تلل وو.
نبي زاده ټینګار وکړ د سپتمبر د یولسمې نیټې د پیښې د شلو کلونو په تیریدا او حتی له افغانستانه د امریکا په وتلو سره سپینه ماڼۍ هماغه راز له ترهګرۍ سره په مبارزې کښې تیر سیاست تعقیبوي او نن سبا ترهګرۍ پیچلي اړخونه پیدا کړي دي.
د کابل د پوهنتون استاد نبي زیاده وویل له افغانستان څخه د امریکا له وتلو او شل کلن نیواک وروسته په کابل او نورو سیمو کښې د امریکا د بې پایلوټه الوتکو د حملو دوام د دې ښودنه کوي چې افغانستان هماغه راز د امریکا لپاره د یوې اډې په توګه استعمالیدلی شي.
