ایران د افغانستان د سیاحتي شرکتونو له لارې ویزې صادروي

د ایران ویزټ یا سیاحتي ویزې د افغانستان د ټورازم د شرکتونو له لارې صادریږي

په افغانستان کښې د ایران د اسلامي جمهوریت سفارت پرون په یو پیغام کښې ویلي چې د غوره شویو فیصلو له مخې، ایران ته د سیل د ویزې صادریدل تر بلې خبرتیا پورې د افغانستان د سیاحتي آژانسونو له لارې ترسره کیږي.

په کابل کښې د ایران د سفارت په رپورټ کښې راغلي چې د درې میاشتنۍ هوايي ویزې غوښتونکي دې د ویزې د ترلاسه کولو لپاره د ماهان، کیش او آریانا هوايي چلند شرکتونو ته رجوع وکړي.

له دې مخکښې به په افغانستان کښې د ایران سفارت په عمومي او انفرادي توګه ویزې صادرولې.