له افغانستانه بهر په زده کړو بوخت استادان تنخواګانې ترلاسه کوي
دافغانستان د لوړو زده کړو وزارت له اعلان سره سم د پوهنتونونو د هغو استادانو د معاشونو د کمولو په پرېکړه له سره غور کړی چې په بهر کې زده کړې کوي او د دغو کسانو معاشونه به د پخوا په څېر ورکول کېږي.
افغان غږ خبری آژانس وایی د طالبانو د رئیس الوزرا دفتر له دې مخکې د لوړو زده کړو وزارت د دغې ډلې د هغو استادانو د معاشونو د ورکړې په غبرګون کې چې په بهر کې په زده کړو بوخت دی، ویلی وو چې دغه استادان د معاش حق نلري.
خو د لوړو زده کړو وزارت ویاند احمد تقي په یوه ټویټ کې لیکلي، چې د وزارت په هڅو او رئیس الوزرا په "مهربانۍ" سره یې دا پرېکړه کړې ده چي د معاشونو قطع کول تعدیل شوي او د هغه پروفیسورانو معاشونه به پلي شي چې زده کړې کوي.
په همدې حال کې په بهر کې استادان وايي چې په ناوړه اقتصادي وضعیت کې دي.
په دې وروستیو کې د تخار پوهنتون یو استاد چې په بهر کې ژوند کوي، ویلي چې د پیسو د نه شتون له امله خپل یو ماشوم ناروغ له لاسه ورکړ. هغه وايي چې د خپل ماشوم د درملنې توان يي نه درلود
د پوهنتونونو استادانو له طالبانو غوښتي چې د دې ډلې د استادانو د معاشونو د کمولو په اړه دې د بورسونو په ګډون په خپله پرېکړه له سره غور وکړي
