د ا یران او افغانستان د اقتصادي ملګرتیاؤ پراختیا
دافغانستان په لویدیځ کې د هرات ولایت او دایران په شمال ختیځ کې د خراسان رضوي ولایت ګډه پنځمه اقتصادي غونډې ترسره کیدا،داقتصادي مناسباتو د پراختیا لپاره ددواړو لورو دجدي اهتمام ښودنه کوي.
دغه خبرې اترې دایران او افغانستان ددوو هیوادونو ترمینځد تجارتي چارو د آسانولو په موخې سره ددواړو هیوادونو د ځاي چارواکو له خوا په جدي توګه تعقیبیږي. د افغانستان د هرات د والی دویندوي حمید ا... متوکل په وینا د هرات او خراسان رضوي د مسئولانو د اقتصادي ناستې د خبرواترو ترټولو مهم چورلیز، دتجارتي مشکلاتو ختمول او دتجارتي مبادلاتو د سوئې زیاتیدا ده .په همدې دلیل څلور موضوعګانې یعني ټرانسپورټ، کرهڼیې ، صنعتي او تجارتي چارې او دسونګو موادو څلور موضوعګانې په هرات کې د دواړو لورو په وروستۍ ناستې کې ارزول شوي دي چې دبیخ بینائي جوړښت له نظره، د هرات خواف ریل پټلۍ کرښه،د ایران او افغانستان ترمینځ د شیانو د وړو راوړو د اندازې د زیاتولو لپاره ترټولومهمه مواصلاتي لاره ده چې په دې باب هم دهرات په غونډې کې خبرې اترې شوي دي.د هرات د صنائعو او کانونود کوټې مسئول حمید ا...خادم ددغې ریل پټلۍ داهمیّت په ارزونې کې ووئيل،له اقتصادی نظره دغه ریلي مواصلاتي لاره د افغانستان لپاره ډير زیات اهمیّت لري . ځکه د ریل پټلۍ د نه شتون په دلیل افغانستان د ټرانسپورټ په برخې کې ترټولو زیاتې پیسې ورکوي. هغو مشکلاتو او پیچلتیاؤ ته په پام سره چې د افغانستان خلک په تیروڅه دپاسه څلورو لسیزو کې ورسره لاس او ګریوان دي، د ایران اسلامی جمهوریت تل ددغه هیواد مظلومو خلکو ترڅنګ ولاړ دی او دخپل توان ترحده ئې ددوی د مشکلاتو د ختمولو هڅه کړې ده . دافغانستان د مسئلو یوه کارپيژاندې میرمن اقبال په دې باب وائي، افغانستان د تاریخي منظر له پلوه د ایران د تمدني حوزې یوه برخه دی. په همدې دلیل ددواړو هیوادونو خلک سره ګډ دین،ژبه ،دود او کلتور لري چې د ایران او افغانستان ددوو ملتونو ترمینځ د پيوستون په پیاوړتیا کې ډيرې زیاتې اغیزې لري.ایران په مختلفو ، اقتصادي او تجارتي،تخنیکي او انجنئيرینګ،کرهڼیزو او صنائعو او همداراز د دپوه بنسټه اقتصاد په برخو کې ډير زیات ظرفیّتونه لري چې په وروستیو کلونو کې ئې د افغانستان د ولس دمشکلاتو له حل سره د مرستې لپاره کارولي دي. په عین حال کې د ایران ولس تل دجنګ او ددغه هیواد د نیواک په کلونو کې د افغانستان د ولس لپاره په ورین تندي هرکلی کړی دی. په همدې دلیل د ا فغانستان مهاجرین په وروستیو کلونو کې د ایران په مختلفو ښارونو کې ددغه هیواد خلکو ترڅنګ ژوند کړی او د کار روزګار او زده کړو په لوړو درجو کې د تعلیم مختلفې سوئې او کارکسب دترلاسه کولو په اړه له بیلابیلو آسانتیاؤ برخمن دي چې دافغانستان دم کشلاتو له حل سره په مرستې کې هڅه کولی شي.د افغانستان د چارو یو کارپوه عبدالطیف نظري په دې باب وائي،د افغانستان خلکو ته د ایران د خلکو نظر،له هرډول سیاسی بهیره او په دغه هیواد کې له واکمنو نظامونو سره فرق کوي.د ایران اسلامی جمهوریت په عمل کې ښودلې ده چې په هرډول شرائطو کې د افغانستان د ولس ترڅنګ ولاړ دی او د ایران داسلامی جمهوریت دانسان دوستۍدغه دریځ په تیرو څلورو لسیزو کې د افغانستان له ملت سره ډيره ستره مرسته کړې ده.په هرحال په هرات کې د ایران او افغانستان د ګډې اقتصادي غونډې ترسره کیدا ښئ چې اسلامي ایران هماغه راز د تجارتی او اقتصادي ملګرتیاؤ دپراختیا لپاره له لازیاتو استفادې لپاره هڅهکوي او بې شکه دهرات –خواف ریل پټلۍ به ددواړو هیوادونو د هغوتجارتي مناسباتو دسوئې له لوړتیا سره په مرستې کې ډير اغیزشیندونکی رول ولوبوي چې په کال کې له یو میلیارډډالري ارزښته زیاتې شوي دي . په عین حال کې دسرحدي بازارچو پیاوړتیا نه یوازې د پولو د دواړو خواؤ اوسیدونکو ترمینځ داقتصادي مناسباتو له پراختیا سره مرسته کوي،بلکې د کارروزګار په رامینځةکیدا سره په سیمې کې د سولې او ا منیت له تثبیتیدا سره هم مرسته کولی شي.
