طالبان:بشري مرستې مه سياسي کوئ
د طالبانو د اعلاميې له مخې ، د افغانستان لپاره د ملګرو ملتونو د بشري ټولنې مرستیال ویلي، چې دوی د افغانستان قوانینو، دین، کلتور او دودونو ته درناوی لري او د خپلو مرستو دوام ته ژمن دي.
د طالبانو د حاکمې ادارې د کډوالو او راستنېدونکو چارو وزیر خلیل الرحمن حقاني له نړیوالو غوښتي چې افغانستان سره بشري مرستې سیاسي نه کړي.
نوموړي د افغانستان لپاره د ملګرو ملتونو د بشري ټولنې له مرستیال فران او د ځینو نورو نړيوالو ادارو استازو سره د ليدنې پر مهال ويلي چې بشري مرستې باید تر سیاسي حالاتو پورې ونه تړل شي.
د طالبانو د اعلاميې له مخې ، د افغانستان لپاره د ملګرو ملتونو د بشري ټولنې مرستیال ویلي، چې دوی د افغانستان قوانینو، دین، کلتور او دودونو ته درناوی لري او د خپلو مرستو دوام ته ژمن دي.
سرچینه زیاتوي، چې حقاني ټول موسسات د طالبانو د قوانينو په عملي کولو مکلف ګڼلي.
حقاني له مشخصې اشارې پرته نړيوالو استازو ته ويلي، چې د طالبانو اداره به د شریعت په چوکاټ کې ډېر ژر داسې تګلاره جوړه کړي، چې شته ستونزې حل کړي.
د طالبانو ادارې په یوه تازه بندیز کې له نا دولتي موسسو سره د ښځينه وو کار کول منع کړي، چې په غبرګون کې ېې ېو شمېر نړیوالو موسسو له افغانستان سره د خپلو مرستو او فعاليتونو د بنديز خبر ورکړ
