په کابل کښې د ایران د سفیر ماموریت ختم شو

زمونږ خبریال راپور راکړی په افغانستان کښې د ایران د اسلامي جمهوریت د سفیر بهادر امینیان ماموریت پاې ته ورسید.

په افغانستان کښې د ایران د اسلامي جمهوریت سفارت د یوې خبر پاڼې په خپرولو سره وویل بهادر امینیان په دغه هیواد کښې د ایران د اسلامي جمهوریت د سفیر په توګه د خپل ماموریت له ختمیدا وروسته له کابل څخه تهران ته روان شو.

په افغانستان کښې د ایران د اسلامي جمهوریت سفارت په دغه خبر پاڼه کښې ویلي دي حسن کاظمي قمی د افغانستان په چارو کښې د ولسمشر د ځانګړي استازي د څوکۍ په ساتلو سره په کابل کښې د ایران د اسلامي جمهوریت د سفارت (د نمایندګۍ د نوي مشر) سرپرست په توګه معرفي شوی دی.

بهادر امینیان له تیرو دریو کلونو راهسې تراوسه په افغانستان کښې د ایران د اسلامي جمهوریت د سفیر په توګه دنده ترسره کوله.

بهادر امینیان په دوه زره نولسم میلادي کال کښې د محمد رضا بهرامي پرځاې په افغانستان کښې د ایران د اسلامي جمهوریت د سفیر په توګه ټاکل شوی و.