په کندهارکې لسګونه ماشومان یخ وهلي دي
په افغانستان کې د سختې يخنۍ او بادونو د څپې له پیل سره سم له نيمروز ولايت څخه د ۷ تنو د مړينې خبر ورکړل شوی.
د کندهار لپاره د طالبانو چارواکي وايي په شاولیکوټ، خاکرېز، نېش او ميانشین کي ۶۰ کسه يخ وهلي.
د دوی په وینا ، دغه کسان د مرګ د خطر سره مخ وو، خو اوس ژغورل شوي.
د دوی په وینا د ژغورل شویو کسانو ډېره برخه يې کوچنیان دي.
چارواکي وايي د دې تر څنګ په پنجوايي، ارغنداب او يو شمېر نورو ولسواليو کې هم د خلکو د ژغورلو هڅې شوي دي.
په افغانستان کې د سختې يخنۍ او بادونو د څپې له پیل سره سم له نيمروز ولايت څخه د ۷ تنو د مړينې خبر ورکړل شوی.
سیمه ییزو سرچینو ویلي، چې په دغو کسانو کې ۶ تنه د نيشه يي توکيو کارونکي او يوه بله بې سرپرسته ښځه ده. ويل شوي، چې يادو کسانو سرپناه نه لرله.
له نيمروز او نورو ولايتونو څخه د سختې سېلۍ له امله د يو شمېر کورونو د نړیدو او مالي زيانونو خبر هم ورکړل شوی.
اوړمه شپه په کندهار کې یوه څو مياشتينۍ بېوزله ماشومه هم چې کورنۍ ېې سرپناه نه لرله، د سختې يخنۍ له امله مړه شوې وه.
