ازبکستان دې پر افغانستان بریښنا نه غوڅوي
دافغانستان د اړتیا وړ پنځه اویا فیصدي بریښنا وارداتي ده چې له ایران،تاجیکستان،ازبکستان او ترکمنستان څخه واردیږي. هرکال په ژمي او یخې هوا موسم کې له نوموړو هیوادونو څخه د بریښنا وارداتو اندازه کمیږي . افغانستان په کال کې له ګاونډیو او د سیمې له هیوادونو د بریښنا د اخستو په بدل کې کابو دوه سوه اتیا میلیون ډالر لګښت ورکوي.
د افغانستان د بهرنیو چارو سرپرست وزیر، له ازبکستان څخه له قرارداد سره سم افغانستان ته د برېښنا ورکړې غوښتنه وکړه او وې ویل، هېواد د ثبات پر لور روان دی او ښه راتلونکی لري.
دافغانستان د اړتیا وړ پنځه اویا فیصدي بریښنا وارداتي ده چې له ایران،تاجیکستان،ازبکستان او ترکمنستان څخه واردیږي. هرکال په ژمي او یخې هوا موسم کې له نوموړو هیوادونو څخه د بریښنا وارداتو اندازه کمیږي . افغانستان په کال کې له ګاونډیو او د سیمې له هیوادونو د بریښنا د اخستو په بدل کې کابو دوه سوه اتیا میلیون ډالر لګښت ورکوي.
ایرناخبری آژانس رپور ورکړی، د افغانستان برېښنا شرکت د تېرې مرغومي میاشتې په ۱۱ په یوې اعلامیې کې وئيلي دي، له ازبکستان سره د وارداتي برېښنا تړون د یوه بل کال لپاره تمدید شوی دی.
خو د افغانستان د بهرنیو چارو سرپرست وزیر مولوي امیرخان متقي پرون په کابل کې د کرهڼیزو محصولاتو پراختیایي صندوق پرانیستغونډه کې وویل، افغانستان له ازبکستان سره د حیرتان بندر له لارې ښه راشه درشه لري او هیلهمن دی چې دغه هېواد پر خپلې هغې ژمنه ودرېږي چې د افغانستان له برېښنا شرکت سره یې کړې او افغانستان ته به د هوکړې له مخې، څه باندې ۴۰۰ مېګاواټه برېښنا ورکوي.
هغه وویل: له بده مرغه ازبکستان اوس هغه بریښنا غوڅه کړی او هېوادوال له مشکل سره مخ دي، د ګاونډيتوب او ورورۍ تقاضا دا ده چې په سخت وخت کې یو بل ته لاس سره ورکړو.
متقي هیله څرګنده کړه چې د ازبکستان چارواکي پر خپلې ژمنې ودرېږي او له قرارداد سره سم افغانستان ته برېښنا ورکړي؛ ځکه د افغانستان خلک هم په ژمي او هم اوړي کې برېښنا ته اړتیا لري.
د افغانستان د بهرنیو چارو سرپرست وزیر امیرخان متقي وویل، افغانستان د ثبات پر لور روان دی او یو ښه راتلونکی لري، خو کلک عزم، اراده او محنت غواړي.
