قزاقستان کښې د افغانستان د ښځو په هکله کانفرنس وشو
فارس خبري اژانس راپور راکړی په هغه ګردي میز کښې چې د قزاقستان په کوربه توب په الماتې ښار کښې ترسره شو په افغانستان کښې د ښځو لپاره د کارونو د رامینځته کولو لپاره بحث او غور وشو.
دغه ګردی میز د قزاقستان د پراختیا د نړیوال اژانس لخوا د ملګروملتونو د زده کړې د علمي او د کلتوري موسسې یونیسکو ، د قزاقستان د پوهنتون، د جرمني او د ملګروملتونو د پراختیا د پروګرام په ملګرتیا سره د ښځو لپاره د کارونو د رامینځته کیدا په موضوع سره ترسره شو.
د دغه ګردي میز د ترسره کیدا هدف د تجارتي مسائیلو په زمینه کښې د تجربې د شریکولو او د مهارت د پیاوړي کولو له لارې د تجارت په زمینه کښې د افغانستان د ګډون کونکو د پوټینشل پراخول بلل شوی دی.
واک ته د طالبانو له رسیدا وروسته دغه ډلې د افغانستان د ښځو لپاره د زده کړې او د کارونو د ترسره کولو په زمینه کښې یوشمیر محدودیتونه رامینځته کړي دي او له شپږم ټولګي څخه د بره انجلیو لپاره یې په زده کړې بندیز لګولی او له زیاتو ژمنو سره سره یې تراوسه له شپږم ټولګي څخه بره د زده کړې کلاسونه نه دي پرانیستلي او څه موده مخکې یې په پوهنتونونو کښې د انجلیو په زده کړې هم بندیز ولګاوه.
