په خوست کې د څښاک اوبو رسولو څلور شبکې جوړې شوې
Feb 04, 2023 13:02 Asia/Kabul
په خوست کې د څښاک اوبو رسولو څلور شبکې جوړې شوې
په خوست کې د نږدې څوارلسو مېلیونه افغانیو په ارزښت د څښاک پاکو اوبو څلور شبکې ګټې اخیستنې ته وسپارل شوې.
د پاکو اوبو دغه څلور شبکې چې د خوست په مرکز او اسماعیل خېلو مندوزیو ولسوالۍ کې ګټې اخیستنې ته سپارل شوي، د کلیو پراختیا ریاست په چوکاټ کې د یوه مرستندویه موسسې لهخوا جوړې شوې دي.
د کوار موسسې ولایتي مسوول محمد حکیم وايي: «پهدې کې ټول پنځه کلي نیول شوي وو یو کلی د بودجې د کموالی پر بنسټ د مرسته کوونکي له لوري ختم شوی دی او په څلورو کلو کې څلور ژورې څاګانې او دغه ارتفاعي کانکریټي ذخیرې جوړې شوې دي.»
د مسوولینو په وینا، د یادو پروژو له لاري به ۶۷۰ کورنۍ د څښاک پاکو اوبو ته لاسرسی ومومي.
ټیګونه
