طالبانو د افیمو د تولید څو کارخانې له مینځه وړي دي

صدای افغان خبري اژانس راپور راکړی د طالبانو د حکومت د کورنیو چارو د وزارت له نشه ییزو موادو سره د مبارزې د ادارې مرستیال عبدالحق اخوند زاده وویل د دغه ادارې د ځواکونو په مرستې سره د افیمو د تولیدولو یوسل اوه څلویښت کارخانې پیژندل شوي او له مینځه وړل شوي دي.

افغانستان په نړۍ کښې د نشه ییزو موادو تر ټولو ستر تولیدونکی دی او د هیواد څه د پاسه څلور میلیونه خلک نشې کوي.

د افغانستان څه د پاسه  پینځه لکه خلک هم د نشه ییزو موادو په کر، تجارت او قاچاق کښې برخه لري.

د طالبانو د کورنیو چارو د وزارت له نشه يیزو موادو سره د مبارزې د ادارې مرستیال عبدالحق اخوند زاده غزني ولایت ته د سفر په وخت وویل دغه ادارې په تیر یو نیم کال کښې په درې سوه اوه سوه عملیاتو کښې د افیمو د تولید یوسل اوه څلویښت کارخانې پیژندلي او وراني کړي او لسګونو کسان یې هم نیولي دي.