طالبانو له یونیسف څخه د مرستو د نه سیاسي کیدو غوښتنه وکړه
د طالبانو چارواکو په افغانستان کښې د انساني فعالیتونو د سیاسي کیدو د مخنیوي لپاره د هلوځلو غوښتنه وکړه
د تسنیم خبري آژانس د خبر له مخې، د هرات ولایت مرستیال مولوي عبدالقیوم روحاني او د طالبانو د موقته حکومت د خارجه وزارت د نمایندګۍ مرستیال رحمت الله فیضان پرون په افغانستان کښې د یونیسف له مسئول فران اکوایز سره ملاقات او خبرې اترې وکړې.
د یونیسف او د هرات د ځايي ادارې ترمینځ ملګرتیاوې او هم داشان د بې سرپرسته ماشومانو روزنه او خوارځواکي، په نشې د روږدو کسانو درملنه او د اړمنو لپاره اسانتیاوې د دغو خبرواترو چورلیز اعلان شوی دی.
مولوي عبدالقیوم روحاني په دغه ملاقات کښې وویل: کوم ارګانونه چې انساني فعالیتونه ترسره کوي، باید خلکو ته له سیاسي کارۍ پاک خدمات ورکړي.
په دغه کتنه کښې په افغانستان کښې د یونیسف د دفتر مشر هم وویل چې په یوې داسې طرحې کار کوي چې بې سرپرسته ماشومان تر پوښښ او کوریج لاندې راولي.
د ویلو ده چې د ملګرو ملتو د بشري چارو د غږملتیا دفتر(اوچا) پرون په یو ټویټ کښې ولیکل: په روان ۲۰۲۳ کال کښې په افغانستان کښې د انساني مرستو ترلاسه کولو ته اړمنو ۲۱ میلیون او ۲ لاکه کسانو ته د مرستې ورکولو لپاره ۳ میلیارډ ډالرو ته ضرورت دی.
