په هرات کې د داعش شپږ غړي ووژل شول
دغه عمليات دهرات ولايت دامنيې قوماندانۍ له خوا ترسره شول .
په هرات ولایت کې سیمه ییز چارواکي وايي، امنیتي ځواکونو د داعش ډلې پر یوه پټنځای برید کړی او شپږ مخالفین یې وژلي دي.
د هرات د والي ویاند مولوي نثار احمد الیاس دغه خبر تاییدوي او وايي چې امنیتي ځواکونو د داعش ډلې پر یوه پټنځای د هرات ښار په څوارلسمه ناحیه د رباط کابلی ها په سیمه کي د ځانګړو ځواکونو عملیات ترسره شول.
دوي زياته کړي: دغه عمليات په برياليتوب سره پاى ته ورسېدل او په نتيجه کې يې د يوې ښځې په ګډون شپږ تنه مخالفين ووژل شول.
مولوي الياس دغه راز يادونه وکړه: له دغو مخالفينو څخه يوه اندازه وسلې او مهمات هم ترلاسه شوي دي.
د هرات د والي وياند دغه راز وويل: په دغو پوځي عملياتو کې امنيتي ځواکونو ته زيان نه دى اوښتى او طالبان هڅه کوي چې د ټول هېواد امنيت تامين کړي.
دغه عمليات دهرات ولايت دامنيې قوماندانۍ له خوا ترسره شول .
ویل کیږي چې دا دویم ځل دی چې امنیتي ځواکونو په هرات کې د داعش پټنځایونه په نښه کړي او د شپنیو عملیاتو په ترڅ کې یې له منځه وړي دي.
