د خوست په کادري روغتون کې یو شمېر طبي ماشینونه فعال شول
د خوست شیخ زاید پوهنتون په تدریسي روغتون کې د نوې طبي ټکنالوژۍ د یو شمېر نورو وسایلو د فعالېدو په تعقیب دا ځل د (ایمارای) او (سيټي سکن) طبي ماشینونه هم فعال شول.
د خوست په کادري روغتون کې یو شمېر طبي ماشینونه فعال شول
د خوست شیخ زاید پوهنتون په تدریسي روغتون کې د نوې طبي ټکنالوژۍ د یو شمېر نورو وسایلو د فعالېدو په تعقیب دا ځل د (ایمارای) او (سيټي سکن) طبي ماشینونه هم فعال شول.
یاد طبي ماشینونه د هغې مرستې یوه برخه ده، چې پنځه کاله مخکې د متحده عربي اماراتو د شیخ زاید بنسټ د خوست تدریسي روغتون ته ورکړې وه، خو د اړتیا سره، سره تر اوسه نه وو فعال شوي.
د شیخ زاید پوهنتون د تدریسي روغتون مسوولین وايي، چې څو ورځې وروسته به په ورته توګه، دې روغتون کې د انجیوګرافي ماشین او هغه ماشین چې د هغې په واسطه د پښتورګو تیږې ماتیږي هم فعال شي.
د دوی په وینا هره ورځ به په منځني ډول لس ناروغان په سيټي سکن او لس ناروغان په ایمارای ماشينونو کتل کېږي او پنځو ناروغانو ته به هم انجیوګرافي کېږي.
