واشنګټن پوست:
افغانستان د داعش د ترهګرو د همږغی په مرکز بدل شوی دی
واشنګټن پوست د امریکې د دفاع وزارت د اشوا شویو اسناد په حواله ادعا کوي چي افغانستان د داعش د عناصرو تر مینځ د ترهګریزو بریدونو د همږغی په مرکز بدل شوی دی.
دغې امریکایي ورځپاڼې د پنټاګون د خوفیه اسنادو په حواله ادعا کوي چي داعش له افغانستان څخه په اروپایي هیوادونو او اسیا کې د د بریدونو د طرحه کولو او د امریکې په وړاندې د دسیسو د جوړلو اراده لري.
د دغو اسنادو له مخې، تېر کال کې د داعش ترهګره ډله له افغانستان څخه په قطر کې د سفارتونو، کلیساګانو، سوداګریزو مرکزونو او د فوټبال د ڼړیوال جام د سیالیو د هدف ګرځولو هڅه کړې ده.
د دې راپور سره سم، د امریکې د دفاع وزارت د چارواکو د ارزونو له مخې تېر میلادي کال کې داعش په افغانستان کې ۹ بریدونه طرحه کړي وه خو سږ کال د ۱۵ بریدونو د تر سره کولو پلان جوړوي.
دا راپور په داسي حال کې خپریږي چي په افغانستان کې د طالبانو حکومت وایي: داعش ترهګره ډله په افغانستان کې مرکزونه نه لري او امریکا د دې مسالې د غټ ښودلو هڅه کوي.