د بلخ او د سمنګان ولایتونو د ورزش سیالۍ شوي دي
زمونږ خبریال راپور راکړی د بلخ او سمنګانو ورزشکارانو د کوچني اختر په مناسبت د کورش، فوټبال او والیبال سیالې ترسره کړي دي.
د افغانستان د بدني روزنې او سپورټ ریاست د بلخ او سمنګانو د ورزشکارانو ترمنځ د کورش، فوټبال او والیبال سیالیو له ترسره کولو څخه خبر ورکوي .
ياد رياست رسنيوته داسې ویلي چې د بلخ او سمنګان ولايت ( ١٠٨) ورزشکارانو د کوچني اختر په مناسبت د بلخ ولايت په (چهارکنت) ولسوالۍ کې د (کورش) ورزشي سياليو کې ګډون کړی و، چې د دې سیالیو په لړ کې د برهان الدين نومي د دوو لوبو په ګټلو سره د غوره پهلوان په توګه معرفي شول.
ویل کیږي چې د ياد ولايت په (بلخ) ولسوالۍ کې هم د فوټبال سیالۍ ترسره شوې چې په پايله کې یې ياران دوست لوبډلې د (۳-۵) اسيا لوبډلې نه لوبه وګټله .
همداراز د ياد ولايت د (اسيا قوناق) کلي کې هم د واليبال سيالۍ په لاره واچول شوې چې د (چهار ګونبد) نومي ټيم بیا یاده سیالۍ خپله کړه.
باید وویل شي چې د افغانستان د زابل ولايت د بدني روزنې او سپورټ آمریت چارواکو هم ویلي چې د اختر په مناسبت یې د یاد ولایت په څو ولسوالیو سربیره د غزني ولایت د (ناوې) ولسوالۍ او د (انګوري) سیمې په ګډون د (٣٠) لوبغاړو په ګډون سره په لاره اچولې وې چې تر دریو ورځو پورې یې دوام وموند.
