افغانستان د نړۍ د اوو وږو هیوادونو په لیکه کې شامل شو
له ملګروملتو سره د اړونده یو اورګان د راپور په اساس و افغانستان د نړۍ د هغو اوو هیوادونو په لیسټ کې شامل شو چې ښاریز ئې له لوږې،او بې وځلۍ سره لاس او ګریوان دي.
د ملګرو ملتو د خواړو او کرهڼيزو چارو ادارې پخپل وروستي راپور کې وئيلي دي،په ۲۰۲۲کال د پرله پسې څلورم ځل لپاره دهغو کسانو شمیر چې په نړۍ کې د خوړو له ناکامنئ سره مخ دي ، زیات شوی دی.
دغه راپور ښئ چې په ۲۰۲۲کال کې په ۵۸ هیوادونو کې کابو دوه سوه اته پنځوس میلیون کسان د خوراکي نامنئ سره مخ وو،په داسې حال کې چې په ۲۰۲۱کال کې په سیمې او ۵۳هیوادونو کې دغه شمیر ۱۹۳میلیون کسان وو.
د خوراکي بحرانونو او ترینګلتیاؤ په باب دنړیوال راپور په اساس،په ۲۰۲۲ کال کې د خوړو ناامنئ زیاتوالی یویشت اعشاره اوو ته رسیدلی، چې دغه وضعیّت په ۲۰۲۱کال کې یویشت اعشاریه درې ؤ . ددغه راپور په اساس، په سومالیه کې د وږو کسانو شمیر ۵۷فیصدو ته رسیدلی ؤ، په داسې حال کې چې دغه شان بوږنونکي شرائط په افغانستان بورکینافاسو ،هایئټي ، نیجریه ،جنوبی سوډان او یمن کې رامینځةشوي دي.
ددغو راپورونو احصایئې تآئيدوي چې د سونګو،ضروري خوراکي شیانو،په تیره بیا د غنمو په نړیوال تجارت او تولید کې د روسیې او اوکراین د لازیات مشارکت په دلیل په اوکراین کې د جنګ اغیزو پخ نړیوال خوراکي امنیت باندې ناخوښ اثرات اچولي دي .
