ترافیکي پېښو له امله نږدې ۳ زره تنو ته مرګ ژوبله اوښتې
د افغانستان سرپرست حکومت چارواکي وايي، په تېرو ۹ میاشتو کې د هېواد په کچه د ترافیکي پېښو له امله ۹۲۳ تنه وژل شوي او ۲۰۱۹ تنه ټپيان شوي دي.
د افغانستان سرپرست حکومت چارواکي وايي، په تېرو ۹ میاشتو کې د هېواد په کچه د ترافیکي پېښو له امله ۹۲۳ تنه وژل شوي او ۲۰۱۹ تنه ټپيان شوي دي.
د دغه حکومت د ترافیکو عمومي ریاست وایي، په یاده موده کې د ټول افغانستان په کچه ۱۸۵۸ ترافیکي پېښې رامنخته شوي چې تر ټولو زیاتې یې په کندوز ولایت کې ثبت شوي دي.
د ترافیکو عمومي ریاست وایي، د ترافیکي پېښو د مخنیوي په موخه د قانون پر پلي کېدو، ترافیکو پر کنټرول او د معیاري سړکونو پر جوړیدو ټینګار کوي.
په ورته وخت کې مسافرین د ترافیکي پېښو د رامنځته کېدو لامل د سړکونو خرابوالی، د ترافیکي قوانینو نه مراعت، د پاکستان لاس موټرو تګ راتګ او ګڼ نور هغه لاملونه یادوي چې له امله یې ترافیکي پېښې رامنځته کیږي.
