د افغانستان په معادنو کې د پانګونې لپاره د ایران چمتووالی
د ایران او افغانستان تر مینځ د اقتصادي همکاریو د کمېټې مدیر عامل محمد بهرامی، د افغانستان په معدني زیرمو کې د پانګونې لپاره د ایران د چمتووالې خبر ورکړ.
د ایران او د افغانستان د اقتصادي همکاریو د پراختیایې کمیټې مشر محمد بهرامي وویل: د ایران اسلامي جمهوریت د دغه کمیټې په جوړولو سره، په افغانستان کې د معدني زیرمو په ایستلو کې د پراخو پانګونو لپاره خپله چمتووالې څرګنده کړې ده او غواړي د افغانستان په لویو معدونونو باندې کار پیل کړي.
هغه زیاته کړه چي د ایران حکومت د معادنو په برخه کې افغانستان سره د همکاریو لپاره د ایران د اوسپنې او فلزاتو د لویو کارخانو په حضور سره یوه کمیټه جوړه کړې ده.
بهرامي وویل چي د دغه کمیټې په چوکاټ کې د ایران تر ټولو پرمختللي کارخانې چي د ټکنالوژی په ډګر کې په ټوله لوېدیځه اسیا کې سارې نه لري، افغانستان سره به د معادنو د ایستلو په برخه کې کار وکړي.
د ایران د اسلامي جمهوریت په رسمي بلنې سره، د افغانستان سوداګریزې پلاوی د دې هیواد د کابینې د اقتصادي مرستیال ملاعبدالغنی برادر په مشری تهران ته راغلی وو.
دغو پلاو کې ۳۰ طالب چارواکي او یو شمېر سوداګر شامل وه چي د دوه اړخیزو اړیکو، سوداګریو، ټرانزیت، ټرانسپورټ، بېخ بناوې او پټلۍ لارې په هکله ایراني چارواکو سره خبرې اترې وکړې.
یاد پلاوی همدارنګه د اصفهان او فولاد مبارکه د اوسپنې د تولید له کارخانو څخه هم کتنه کړې ده.
