پنجشیر کښې د زمردو ۴۰ نوي کانونه موندل شوي دي
د پنجشېر زمرد او نور قیمتي غمي په نړیواله کچه مشهور دي.
د پنجشیر د کانونو او پټرولیم لپاره د طالبانو رییس مولوي قاسم امیري د دې ولایت له والي حافظ محمد اغا حکیم سره په لیدنه کې ویلي، چې د دې ریاست له لوري په پریان ولسوالۍ کې د زمرودو ۴۰ نوي کانونه کشف او سروې شوي دي.
سرچینې په دې تړاو نور جزییات نه دي ورکړي.
د پنجشېر زمرد او نور قیمتي غمي په نړیواله کچه مشهور دي.
له څو لسیزو راهیسې د دغه ولایت جنګسالاران د دې سیمې د قیمتي ډبرو د زېرمو په خپلسري کیندلو او حیف و میل تورن دي.
د طالبانو له بیا واکمنیدو سره، دوی د پنجشېر د کاني زېرمو د مهارولو خبر ورکړی، خو یو شمېر خلک طالب چارواکي هم له دې امله چې مسلکي کسان پکې نشته او د کانونو چارواکي یې د قراردادونو په انحصار تورن دي، په دې برخه کې په ناوړه کړنو تورنوي.
طالب چارواکي بیا د فساد ادعاوې بې اساسه بولي.
