په بدخشان کې د نسکورې شوې الوتکې څلور سپرلۍ ژوندي دي
د بدخشان د والي د دفتر مشر خان محمد حاجي اسد وايي، د نسکورې شوې الوتکې ټوټې د کوف اب ولسوالۍ د غرونو په لمنو کې موندل شوې دي.
د افغانستان د بدخشان ولایت چارواکي وايي، د دې ولایت د کوف اب ولسوالۍ په غرونو کې د رالوېدلې روسۍ الوتکې څلور سپرلۍ ژوندي موندل شوي او اوس د امنیتي ځواکونو تر څارنې لاندې دي.
افغان غږ خبری آژانس راپور ورکوی د بدخشان چارواکی وایی، د دغې الوتکې څلور تنه سپرلۍ چې ژوندی پاتې شوی، د امنیتی ځواکونو له خوا له سیمې ژغورل شوی او تر څارنې لاندې دی.
د بدخشان د والي د دفتر مشر خان محمد حاجي اسد وايي، د نسکورې شوې الوتکې ټوټې د کوف اب ولسوالۍ د غرونو په لمنو کې موندل شوې دي.
هغه زياته کړه چې د دغې الوتکې ټوټې چې لاشه يې په بشپړه توګه ويجاړه شوى وه ، د امنيتي ځواکونو له خوا موندل شوى دى.
د هغه په وينا، د دې الوتکې دوه تنه سپرلۍ مړه شوي دي.
په همدې حال کې د روسیې د هوایی چلند ادارې اعلان کړی چې په بدخشان کې غورځېدلې الوتکه Falcon 10 وه چې څلورپرسنل او دوه روسي مسافر په کې سپاره وو چې د هند د ګایا، د ازبکستان تاشکند او د روسیې ژوکوفسکي ته روانه وه.
له دغې الوتکې سره د شنبې په ورځ هغه مهال اړیکه پرې شوه، چې د افغانستان په هوايي حریم او د تاجکستان پولې ته څېرمه د الوتنې په حال کې وه او د ریډار له پردې ورکه شوه.
