ننګرهار کښې د مالدارۍ راتلونکی له ګواه سره مخامخ دي جزیات دلته لرو
زمونږ خبریال راپور راکړی د افغانستان په ننګرهار کې مالداران وایي وچکالۍ ، دڅړ ځایونو نه شتون او پر وخت څارویو ته درمل او واکسین نه رسیدل په دې ولایت کې د مالدارۍ راتلونکی اندیښمن کړی دی.
د مالدارۍ ریاست چارواکي که څه هم چې د مالدارو ستونزې مني خو وایي څارویو ته د واکسینو کولو کمپاین په ټول ولایت کې پېل شویدی.
د ننګرهار ولایت یو شمیر مالداران وایي سږنۍ وچکالۍ د څړ ځایونو نه شتون او همدارنګه څارویو ته پر وخت درمل او واکسین نه رسیدل هغه څه دي چې په دې ولایت کې یې د مالدارۍ راتلونکې اندیښمن کړی دی.
دوه تنه مالدارانو چې په جلال اباد کې یې د مالدارۍ نړیوالۍ ورځې په ویاړ جوړو شویو مراسموکې برخه اخیستې وه له حکومت او مرسته کوونکو ادارو څخه وغوښتل چې ستونزو ته په پام له مالدارو سره د مالونو خوراکې او پر وخت ددرملو او واکسینو مرسته وکړي.
د ننګرهار ولایت کرنې ، مالدارۍ او اوبو لګولو ریاست د مالدارۍ برخې امر ډاکتر «ضمیر بهسودي» په داسې حال کې چې د مالدارو ستونزې مني او وایي د دې ولایت ډیری څړ ځایونه د زور واکو له خوا لاندې شوي چې له امله یې د مالدارو څاروي د خوراکي توکو له کمښت سره مخ دي خو وایي د دې ولایت ټولو هغه سیمو ته چې مالدار پکې استوګنه کوي د څارویو د بېلابېلو ناروغیو واکسین رسولي او همدا اوس هم د واکسینونو د تطبیق کمپاین دوام لري.
نوموړی وایي هڅه کوي چې مالدارۍ ته پام لرنه ډیره کړي.
د مالدارۍ نړیوالۍ ورځنې د نمانځنې مراسمو په څنډه کې په دې ولایت کې تولید شویو بېلابېلو لبنیاتو او مالدارۍ په برخه کې د نورو پرمختګونو نندارتون هم جوړ شوی و چې د چارواکو پر وینا موخه یې مالدارو ته عامه پوهاوی او دا چې نندارتون ته ورغلي مالداران یې پیغام په خپلو سیمو کې نورو مالدارو ته ورسوي.
