ننګرهار کښې سلو کورنیو ته د شیدو ورکونکي وزې ورکړل شوي نور حال دلته لرو
زمونږ خبریال راپور راکړی په ننګرهار کې تر سلو زیاتو بې وزلو کورنیو سره د شیدو ورکونکو څارویو مرسته وشوه.
د سرې میاشتې چارواکي وایي موخه یې بې وزله کورنیو ته د وړو کاروبارونو برابرول دي.
د ننګرهار سرې میاشتې ټولنې د مرستون مشر «احسان الله ممله وال »وایي د سرې میاشتې ادارې له لورې د جلال اباد ښار شپږمې ناحیې ، کوټ او شیرزادو ولسوالیو یوسلو لسو بې وزله کورنیو سره د وزو مرسته ترسره شوه.
نوموړي وویل دغه کورنۍ د یوې شفافې پروسې له لارې غوره شوې چې هرې کورنۍ ته درې سره وزې ، د وزو خوراکي توکي او اته قلمه نور اړین وسایل ورکړل شول.
ممله وال وویل پر دغو وزو او نورو وسایلو د افغانۍ سرې میاشتې ټولنې له لورې دوه ملیونه او څلور سوه زره افغانې لګول شوي دي.
د ننګرهار سرې میاشتې ټولنې د مرستون امر وویل د دغو څارویو له ویش څخه یې موخه اړمنو کورنیو ته د وړو کاروبارونو برابرول دي چې پر وینا یې دغه کورنۍ له دې لارې خپلې اقتصادي ستونزې هوارې کړي.
نوموړي وویل د ډیرې غوره شویو کورنیو سرپرستې د کونډو میرمنو پر غاړه ده.
په ننګرهارکې د افغانۍ سرې میاشتې ټولنې له دې مرستې وړاندې د دې ولایت کرنې ، مالدارۍ او اوبو لګولو ریاست هم له ډیری بې وزلو کورنیو سره د هګۍ ورکوونکو چرګانو او میوه لرونکو ونو د باغونو جوړولو مرسته کړې ده.
