د افغانستان او پاکستان په سرحدونو کې نښتې

د افغانستان په ختیځو ولایتونو باندې د پاکستان هوایي بریدونو وروسته، د دواړو هیوادونو د سرحدي ځواکونو تر مینځ نښتې رامینځ ته شوي دي.

په افغانستان باندې د پاکستان د هوایي او توپخانه ای بریدونو وروسته، په ختیځو ولایتونو پکتیکا او پکتیا کې د طالبانو د حکومت د پوله ساتو ځواکونو او د پاکستان د سرحدي ځواکونو تر مینځ نښتې رامینځ ته شوي دي.

د دواړو لورو تر مینځ نښتې له نن سهاره  د پکتیا په دند پټان ولسوالۍ او انګوراډه سرحدي کرېدور او د پکتیکا په برمل ولسوالۍ کې دوام لري.

په یادو ولسوالیو کې خلګو د خپلو کورونو پرېښودلو ته اړ شوي دي.

هاخوا بیا پاکستانۍ رسنیو د شمالي او جنوبی وزیرستان او کورم ایجنسۍ باندې د طالبانو له خوا د توپونو او هاوانونود بریدونو خبر ورکړي دي.