د طالبانو په واکمنۍ کې له افغانستان سره اړیکې جوړوو
د روسیې د بهرنیو چارو وزیر سیرګي لاوروف هم پرون طالبان د افغانستان واقعي ځواک بللي او وئيلي ئې دي، مسکو ښايي طالبان د هغو ډلو له لیسټه وباسي چې مسکو بندیزونه پرې لګولي دي.
زمونږخبریال د تاس خبري آژانس له قوله راپور راکړ،په داسې حال کې چې د روسیې د بهرنیو چارو وزیر د روسیې له تورلیسټه د طالبانو ایستلو ته لېوالتیا ښودلې، دروسیې ولسمشر ولادیمیر پوتین پرون په یولړ څرګندونو کې وویل، روسیه د طالبانو تر واکمنۍ لاندې افغانستان سره اړیکې جوړوي.
ولادیمیر پوتین د یوه روا حکومت په توګه د طالبانو د حکومت د رسمیت پېژندنې او له تور لیسټه د طالبانو د ایستلو په اړه د یوې پوښتنې په ځواب کې وویل چې روسیه باید د افغانستان نظریات په پام کې ونیسي او له دغه هېواد سره اړیکې جوړ ې کړي.
د روسیې د بهرنیو چارو وزیر سیرګي لاوروف هم پرون طالبان د افغانستان واقعي ځواک بللي او وئيلي ئې دي، مسکو ښايي طالبان د هغو ډلو له لیسټه وباسي چې مسکو بندیزونه پرې لګولي دي.
د روسیې د کابینې غړو ولسمشر ولادیمیر پوتین ته سپارښتنه کړې چې طالبان د بندیزونو له لسټه وباسي.
روسیې له ۲۰۰۳م کال راهیسې طالبان د ترهګرو او ممنوعه ډلو په نوملړ کې شامل کړي دي.
د راپورنو له مخې، مسکو طالبانو ته بلنه ورکړې چې راتلونکې میاشت په سانت پیترزبورګ کې په یوه اقتصادي غونډه کې ګډون وکړي.
