د پنجشېر ګیلاس هند، پاکستان او چین ته صادرېږي
Jun 30, 2024 02:56 Asia/Kabul
د افغانستان د پنجشېر ولایت د کرنې، اوبو لګولو او مالدارۍ ریاست چارواکو په دغه ولایت کې د ګیلاسو میوې د حاصلاتو د ډېروالي خبر ورکړی دی.
د یاد ولایت د کرنې، اوبو لګولو او مالدارۍ مشر قاري فضل الله دیوبند ویلي، چې په پنجشېر ولایت کې ۱۰۰۰جریبه د ګیلاسو میوې بڼونه شتون لري او تر دې مهاله ۳۵۹ زره او۱۰۰ کیلو ګرامه د ګیلاس میوه راټوله او د پلور لپاره بازار ته وړاندې شوې ده.
نوموړي زیاته کړې، چې سږکال به د ګیلاسو میوې حاصلات چین، هند او پاکستان ته هم صادر شي.
ټیګونه
