افغانستان کښې د اسماعیل هنینه په هکله غونډې وشوې
زمونږ خبریال راپور راکړی په هرات او بلخ ولايتونو کې د شهید اسماعیل هنیه د شهادت په مناسبت غونډې جوړې شوې
په هرات ولایت کې د فلسطین د خلکو په ملاتړ او د شهید اسماعیل هنیه د شهادت په غبرګون کې پراخه ولسي غونډه جوړه شوه.
په دغو مراسمو کې چې دیني عالمان، د پوهنتون استادان او عام خلک راټول شوي وو، شهید اسماعیل هنیه يې د فلسطین د مظلوم ملت ملاتړی او د اسلام یو رښتینی مبارز وباله .
دغه راز ګډونوالو د اسرائيلي اشغالګر رژیم روان وحشت یې په کلکو ټکو وغانده او له نړېوالې ټولنې یې وغوښتل چې پر غزه د صهیونیستي رژيم د وحشتونو مخه ونیسي.
د هرات خلکو مرګ په اسرایل او مرګ پر امریکا شعارونه ورکړل او د فلسطین د جګړې د سمدستي بندیدو غوښتنه یې وکړه.
همدارنګه د مزار شريف سلګونه ښاریانو د یوې ولسي غونډې په ترڅ کې د اسماعیل هنیه د شهادت په مناسبت خپله غمرازي څرګنده کړه.
دوی د فلسطیني مسلمانانو پر خلاف د صهیونیستي رژیم د جنایتونو په غندلو سره د نړۍ له اسلامي امت وغوښتل, چې د غزې د خلکو ملاتړ او له مقدسې خاورې دفاع وکړي.
د بلخ سیمه ایز چارواکو د فلسطیني وګړو د سیاسي مشر اسماعیل هنیه شهادت د ټولې اسلامي نړۍ لپاره لویه ضایع وبلله او غربي هېوادونه یې د هغه په مړینه تورن کړل.
د شهيد اسماعيل هنيه د شهادت په غبرګون کې لاريونونه شوي او په دې اړه يې غمرازي څرګنده کړې ده.
