ملګري ملتونه: ۹۷ فیصده افغانان د انرژۍ له فقر سره مخ دي
Jun 01, 2025 11:54 Asia/Kabul
دغه پروګرام نن پر خپله اېکس پاڼه لیکلي چې د دوی له لوري د نوي کېدونکي انرژۍ هڅو میلیونونه افغانان تر پوښښ لاندې راوستي دي.
په افغانستان کې د ملګرو ملتونو پراختیایي پروګرام (UNDP) وايي چې د افغانستان ۹۷ سلنه وګړي د انرژۍ له فقر سره مخ دي.
دغه پروګرام نن پر خپله اېکس پاڼه لیکلي چې د دوی له لوري د نوي کېدونکي انرژۍ هڅو میلیونونه افغانان تر پوښښ لاندې راوستي دي.
د ملګرو ملتونو پراختیایي پروګرام تر دې وړاندې په یوه پیغام کې ټینګار کړی و چې په افغانستان کې لسیزو جګړو دغه هېواد د انرژۍ له پلوه یو له خورا ناامنه ځایونو ګرځولی دی.
دا په داسې حال کې ده، چې د طالبانو د د ریاست الوزرا اقتصادي مرستیال ملا برادر پرون د لمریزې انرژۍ د یوې دستګاه د پرانیستې پر مهال وویل چې افغانستان په وارداتي بریښنا پورې تړلی دی.
ټیګونه
