امیرخان متقي د اسلامي نړۍ د همغږۍ ټولنې له مشر سره وکتل

د طالبانو د بهرنیو چارو وزیر امیرخان متقي په کابل کې د اسلامي نړۍ د همغږۍ ټولنې له سرمنشي شیخ محمد بن عبدالکریم العیسی سره په لیدنه کې د دوه اړخیزو اړیکو پر پیاوړتیا خبرې کړې دي.

د طالبانو بهرنیو چارو وزارت  په اېکس کې لیکلي چې دواړو خواوو د اسلامي نړۍ پر یووالي او نږدېوالي ټینګار کړی دی.

امیرخان متقي د اسلامي نړۍ د همغږۍ له ټولنې وغوښتل چې د طالبانو په اړه نړیوالې ټولنې ته مثبت انځور وړاندې کړي.

متقي ادعا کړې چې د طالبانو په اړه د رسنیو اوسنی روایت واقعي نه دی.